ඔබට අප එක පාරක් එපානම් අපට ඔබ සිය පාරක් එපා යැයි බැසිල් රාජපක්ෂ ජනාධිපතිවරයා ඉදිරියේ ප්රසන්න රණතුංගගේ මුහුණට ප්රකාශ කර ඇතැයිද ඉන් පසු ඔහුට නිර්දය ලෙස බැණ වැදී ඇතැයි ද පොහොට්ටුවේ අභ්යන්තර ආරංචි මාර්ග කියයි.
විශේෂත්වය වන්නේ මෙම වාග් ගැටුම ඇති වී තිබෙන්නේ බැසිල් රාජපක්ෂ සහ ජනාධිපතිවරයා අතර පැවති හමුවක දී වීමය. මෙම හමුව පැවැත්වීමට නියමිතව තිබී ඇත්තේ ජනාධිපතිවරයා සහ බැසිල් රාජපක්ෂ අතර ය.
නමුත්, ජනාධිපතිවරයා මෙම හමුව සඳහා පොහොට්ටු පක්ෂයේ ඔහුට හිතවත් ප්රසන්න රණතුංග ඇතුළ පාර්ශ්වයක්, ශ්රී ලංකා නිදහස් පක්ෂයේ ඔහුට හිතවත් පාර්ශ්වයත් කැදවා ඇත.
බැසිල්, ඒ සම්බන්ධයෙන් ද අප්රසාදය පළකර තිබේ.
සාකච්ඡාව අතර තුරේ දී, රාජපක්ෂවරු නායකත්වය නොදරන, ඒ නමුත් පොහොට්ටු පක්ෂයේ සහභාගීත්වය ඇති, පුලුල් සන්ධානයකට ඉඩ දෙන ලෙසට ඉල්ලීමක්, සන්ධානය සමග එක්වීමට අපේක්ෂා කරන අනෙකුත් පාර්ශ්වයන්ගෙන් ඉදිරිපත්ව ඇතැයි ප්රසන්න රණතුංග ප්රකාශ කර ඇත.
බැසිල් රාජපක්ෂ කෝප වී ඇත්තේ ඉන් පසුවයි.
රාජපක්ෂවරු මේ ආකාරයට පාලනයට කිරීමට තමන් ඉඩ නොදෙන බව පවසා ඇති බැසිල් රාජපක්ෂ, ඔහේට අපිව එක් වරක් එපානං, අපිට ඔහේව සිය වතාවක් එපා යැයි ද පවසා තිබේ.
