එක්වීම සඳහා සිදුකරන එජාප – සජබ සාකච්ඡාවල දී තීන්දු තීරණ ගන්නේ එක්සත් ජාතික පක්ෂය නොව සමගි ජන බලවේගය බව පොලොන්නරු දිස්ත්රික් පාර්ලිමේන්තු මන්ත්රී කිංස් නෙල්සන් පවසයි.
ඔහු පෙන්වා දෙන්නේ තීන්දු තීරණ ඉදිරිපත් කර උපදෙස් ලබා දීමට පෙර මේ යථාර්ථය එක්සත් ජාතික පක්ෂ නායකත්වය විසින් තේරුම් ගත යුතු බවය.
ඔහු අද මාධ්ය හමුවක් පවත්වමින් මෙසේ පැවසුවේය.
“එක්සත් ජාතික පක්ෂයේත් සමගි ජන බලවේගයෙත් නායකත්ව මන්ඩල මේ වනවිට ඉහළ පෙළේ සාකච්ඡාවට කීපයක්ම පැවැත්තුවා.
යම් යම් ප්රශ්න තියනවා එතන. මොකද විශේෂයෙන්ම අපිට බෑ තීන්දු තීරණ ගන්න. පක්ෂයේ නායකත්වය තමයි ඒ තීන්දු තීරණ ගන්නේ. මොකද පාර්ලිමේන්තුවේ වැඩි බලය තියෙන්නේ අපිට. අපට පාර්ලිමේන්තුවෙ මන්ත්රීවරු 40ක් ඉන්නවා. එක්සත් ජාතික පක්ෂයේ එක මන්ත්රී ආසනයයි තියෙන්නේ.
ඉතින් මෙතන එක ආසනයක් තියන පක්ෂය ද, මන්ත්රීවරු 40ක් ඉන්න පක්ෂය ද තීන්දු තීරණ ගන්නේ කියන එක එක්සත් ජාතික පක්ෂයේ තීන්දු තීරණ ගන්න නායකයොත් දැනගත යුතුයි. වැඩි බලය තියෙන්නේ කොතනද කියන එක බලලා අවනත වෙන්න ඕන එක්සත් ජාතික පක්ෂය.
විශේෂයෙන්ම කියන්නේ අපට පුලුවන් පක්ෂයක් විදිහට අපිත් එක්ක එන ඕන කෙනෙක් අපිත් එක්ක එකතු කරගන්න.
හැබැයි ඒ අයට ඒ අයට තීන්දු තීරණ ගන්න බෑ මේව තමයි විය යුත්තේ මේවා තමයි නොවිය යුත්තේ කියන එක. අපි තමයි ඒව තීරණය කරන්නේ.
ඒ නිසා පක්ෂ නායකත්වය හොඳ තීරණයක් අරන් පළාත් පාලන මැතිවරණයේ දී රටේ ජනතාවට හොඳ පණිවිඩයක් දෙන්න පුලුවන්. එහෙම තීරණයක් අරගෙන තියනවා. ඉදිරියේ දී ඒක මාධ්යයට ප්රකාශ කරන්නම්.”
