මේ වන විට ඕස්ට්රේලියානු පුරවැසියකු වන හිටපු ටෙස්ට් ක්රිකට් ක්රීඩක තිලකරත්න ඩිල්ෂාන් ක්රිකට් බලධාරීන් වෙත දේශපාලනික වශයෙන් කරනු ලබන බලපෑම් හේතුවෙන් ඔහුගේ ඔස්ට්රේලියානු පුරවැසි දියණිය ශ්රී ලංකා අවුරුදු 19 න් පහළ කණ්ඩායමට තෝරා ගැනීමට සියලු කටයුතු සූදානම් කොට ඇතැයි ලංකාසරට වාර්තා වේ.
ශ්රී ලංකා කාන්තා අවුරුදු 19 න් පහළ ක්රිකට් පිල ළඟදීම තුන්කොන් ක්රිකට් තරගාවලියක් සඳහා ඕස්ට්රේලියාවට යාමට නියමිතය.
ඩිල්ෂාන්ගේ දියණිය කෙසේ හෝ කණ්ඩායමට ඇතුළත් කර ගතයුතු බවට වඩාත්ම බලපෑම් කරනුයේ ක්රිකට් සභාපතිවරයාත්, ප්රධාන විධායකවරයා හා තවත් ක්රිකට් පරිපාලකයෙක් බව වාර්තා වේ.
මේ අතර පුහුණුකරු ද ඇය තම කණ්ඩායමට අත්යවශ්ය ක්රීඩිකාවක් බව නිතර පවසන බවත් තේරීම් කමිටු සභාපති ද ඒ සඳහා අනුබල දෙන බවත් ආරංචි මාර්ග පවසයි.
පසුගියදා පැවති අන්තර් පළාත් තරගාවලියේ ද ඇය කැපී පෙනෙන දස්කම් දක්වා නොමැත. ඇය අන්තර් පළාත් තරගාවලිය සඳහා සහභාගී කරවීම ද සම්මත පටිපාටියට පටහැනි බවට චෝදනා එල්ල වී තිබිණි.
කිසිදු පිළිගත් පුහුණු සහතිකයක් හෝ නැතිවත් ශ්රී ලංකා අවුරුදු 19 පහළ කණ්ඩායමේ පුහුණුකාර ධූරය බලාපොරොත්තුවෙන් සිටින ඩිල්ෂාන් මේ වන විට සජිත් ප්රේමදාසට සහය දක්වමින් දේශපාලන රැස්වීම් වලට සහභාගි වෙමින් සිටී.
වත්මන් ක්රිකට් බලධාරීන් විසින් සජිත් පාර්ශ්වයේ තොරතුරු දැන ගැනීම හා ඔවුන් සජබය සමග ඇති විරසකය සමථයකට පත් කරවා ගැනීමට ඩිල්ෂාන් එතැනට එවා ඇති බව සමගි ජන බලවේගයේ මන්ත්රී කණ්ඩායම තුළම සැකයක් ඇති වී තිබෙන බව ද අභ්යන්තර ආරංචි මාර්ග කියයි. .
