සූරියවැව නුවන් ජයසේකර –
තීරු බදු නොගෙවා මෙරටට ගෙන්වු විදේශීය දුම්වැටි තණමල්විල ප්රදේශයේ පාසලක 09 වසර සිසුවෙකුට අලෙවි කළ සූරියවැව ව්යාපාරිකයාට වසර 03ක සිර දඩුවමක් ලබා දීමට හම්බන්තොට මහේස්ත්රාත් අධිකරණය නියෝග කළේය. ඊට අමතරව රුපියල් ලක්ෂ දෙකක දඩ මුදලක් ද ඔහුට නියම කිරීම කිරීමට අධිකරණය කටයුතු කළේය.
එහිදී සැකකරු අධිකරණයේදී වරද පිළිගැනිම හේතුවෙන් සැකකරුට වසර 03ක සිර දඩුවමක් නියම කළ අධිකරණය එය වසර 05ක කාලයක් සඳහා අත්හිටවන ලදි.
මෙලස සිර දඩුවම් නියම වුයේ සූරියවැව නව නගරයේ පදිංචි 38 හැවිරිදි ව්යාපාරිකයෙකුටය.
තණමල්විල ප්රදේශයේ ප්රසිද්ධ පාසලක සිසුවෙකු පාසල තුළදී සිසුන්ට දුම්වැටි අලෙවි කිරීමේදී සිද්ධියක් පිළිබදව විදුහල්පති වරයාට අනාවරණය වි තිබූ අතර විදුහල්පති වරයා විසින් මේ පිළිබදව තණමල්විල මුලස්ථාන ප්රධාන පොලිස් පරික්ෂක ඩී.එම්.පීබණ්ඩාර දැනුවත් කර තිබේ. එහිදී ස්ථානාධිපති වරයා අදාල සිද්ධිය පිළිබඳව එම අවස්ථාවේදීම පොලිස් කණ්ඩායමක් යවා විමර්ශන කටයුතු ආරම්භ කිරිමට පොලිසිය කටයුතු කළේය.
එහිදි අනාවරණය වි ඇත්තේ අදාල සිසුවා සූරියවැව ප්රදේශයට උපකාරක පන්තියකට යන බවත්, එහිදී මෙම සිසුවා සැකකාර ව්යාපාරිකයාගෙන් මෙම විදෙස් දුම් වැටි මිළදි ගන්නා බවත්ය.
පොලිස් ප්රශ්න කිරීම් හමුවේ සිසුවා පවසා තිබුණේ එම දුම්වැටි විවිධ පළතුරු රසයන්ගෙන් යුකත් නිසා සිය යහළුවන්ට අලෙවි කිරිමද පහසු වු බවයි. ඒ අනුව සිසුවා සූරියවැව ව්යාපාරිකයාගෙන් එක් දුම් වැටියක් රුපියල් 100ක මුදලකට මිළදි ගෙන තණමල්විල පාසලට මේවා රැගෙන ගොස් එහිදි සිසුන්ට එක් දුම් වැටියක් රුපියල් 200ක මුදලකට අලෙවි කල බව සිසුවා පොලිසියට කියා තිබිණි.
සිසුවාගේ මෙම අනාවරණයට අනුව තණමල්විල පොලිස් කණ්ඩායමක් සූරියවැව නගරයට පැමිණි අදාල වෙළදසැල පරික්ෂා කිරිමේදි එහිදි තිබි විදෙස් දුම් වැටි 690ක් හා දුම් වැටි අලෙවියෙන් උපයාගෙන තිබූ රුපියල් තුන් ලක්ෂ අසූ අටදහස් පන්සිය අනුවක මුදලක්ද හමු වි තිබේ.
එහිදි තණමල්විල පොලිස් නිළධාරීන් විසින් අදාල සැකකරු අත්අඩංගුවට ගෙන සිදුකල වැඩිදුර විමර්ශන වලදි අනාවරණය වි තිබුණේ සැකකරු මිට පෙරද අවස්ථා තුනකදිම මෙලෙස විදෙස් දුම් වැටි සමග අත් අඩංගුවට පත්ව ඇති බවය.
තණමල්විල පොලිස් නිළධාරින් විසින් අත්අඩංගුවට ගත් සැකකරු වැඩිදුර විමර්ෂණ කටයුතු සදහා සහ අධිකරණයට ඉදිරිපත් කිරිම සදහා සූරියවැව පොලිසියට බාරදීමෙන් පසු සූරියවැව පොලිස් නිළධාරීන් කණ්ඩායමක් අදාල සැකකරු හම්බන්තොට මහේස්ත්රාත් අධිකරණයට ඉදිරිපත් කර තිබේ.
තණමල්විල මුලස්ථාන පොලිස් පරික්ෂක ඩී.එම්.පී.බංඩාරගේ උපදෙස් පරිදි තණ්මල්විල පොලිස් ස්ථානයේ දූෂණ මර්ධන අංශයේ ස්ථානාධිපති පොලිස් පරික්ෂක තිළින,පොලිස් සැරයන් වරුන් වන (40156)තුමාරරත්න,(104486) භවන්ත,(5250)පද්මසිරි,පොලිස් කොස්තාපල් වරුන් වන (19556) ලක්ෂාන් ඇතුළු නිළධාරීන් කණ්ඩායමක් විසින් සැකකරු අත්අඩංගුවට ගෙන අධිකරණයට ඉදිරිපත් කිරිම සදහා සූරියවැව පොලිස් ස්ථානයට බාර දි තිබේ.
