මෙරට රාජ්‍ය බැංකුවක් වන මහජන බැංකුව කොළඹ පිහිටි චීන තානාපති කාර්යාලයේ, ආර්ථික සහ වාණිජ කාර්යාලය විසින් සිය අසාදු ලේඛනයෙන් ඉවත් කළ බව චීන තානාපති කාර්යාලය අද (11) නිවේදනය කරයි.
ව්‍යාධිජනක බැක්ටීරියා සහිත බව තහවුරු වූ පසු ක්වින්ඩාවෝ සී වින් බයෝ ටෙක් සමාගමෙන් ආනයනය කරන ලද පොහොර තොගය ප්‍රතික්ෂේප වී, එම පොහොර සඳහා ගෙවීම් අත්හිටුවමින් කොළඹ වාණිජ අධිකරණයෙන් මහජන බැංකුවට වාරණ නියෝගයක් නිකුත් කිරීම නිසා ඔක්තෝබර් මාසයේදී, කොළඹ පිහිටි චීන තානාපති කාර්යාලයේ, ආර්ථික සහ වාණිජ කාර්යාලය විසින් එම බැංකුව අසාදුගත කළේය.
අනතුරුව ශ්‍රී ලංකාව සමග සිදුකරන් ජාත්‍යාන්තර ගනුදෙනුවල දී මහජන බැංකුව විසින් නිකුත් කරන ණයවර ලිපි පිළිගැනීමෙන් වලකින ලෙස සියලුම චීන ව්‍යවසායකයන්ට දැනුම් දීමට චීන තානාපති කාර්යාලය කටයුතු කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
අවසානයේ දී චීන පොහොර නැවට සහ සමාගමට ඇමරිකානු ඩොලර් හැට නව ලක්ෂ අනූදහසක මුදලක් ගෙවීමට වාණිජ මහාධිකරණය විසින් තින්දු කර එම ගෙවීම් අවසන් වූ පසු මහජන බැංකුව සිය අසාධු ලේඛනයෙන් ඉවත් කිරීමට චීන තානාපති කාර්යාලය කටයුතු කළේය.