දැනට පවතින තත්ත්වය අනුව ඩෙංගු රෝගය වසංගත මට්ටමට පැමිණීමේ අවදානමක් ඇති බව ජාතික බෝ වන රෝග පිළිබඳව විද්යායතනයේ (අයි.ඩී.එච්) කායික රෝග විශේෂඥ වෛද්ය ආනන්ද විජේවික්රම අනතුරු අඟවයි. මේ වනවිට ඩෙංගු රෝගීන් විශාල ලෙස වැඩි වීමේ දැඩි අවදානමක් ඉස්මතු වී ඇති බැවින් මේ පිළිබඳව දැඩි අවධානයක් දැක්විය යුතු බව පවසන විශෙෂඥ වෛද්ය විජේවික්රම 2017 වසරේ මෙන් එය වසංගතයක් බවට පත්වීම් අවදානමක් ඇති බව පෙන්වා දුන්නේය.
විශේෂයෙන් මේ වනවිට ගම්පහ දිස්ත්රික්කයේ විශාල ලෙස රෝගීන් දැකිය හැකි බවත් කොළඹ මෙන්ම පිට පළාත්වලද රෝගය ව්යාප්ත වීමේ ලකුණු පෙන්වන බව ඔහු පවසයි.
මේ වසර තුළ මේ වනවිට රෝගීන් 31000කට අධික රෝගීන් ප්රමාණයක් වාර්තා වී ඇති අතර එයින් 7000ක් පමණ නියෝජනය කරන්නේ ගම්පහ දිස්ත්රික්කයෙනි.
“ අපි දුටුවා 2017 අවුරුද්දේ එම වසර තුළ රෝගීන් 186,000ක් පමණ වාර්තා වුණා. ඒ අවුරුද්දේ රෝහල්වල රෝගීන්ට ඉඩ නැති වන තත්ත්වයක් ඇති වුණා. මේ වනවිටත් එවැනි තත්ත්වයක අවදානමක් අපට ඇතිව තිබනවා.එවැනි තත්ත්වයකට ගියාම රෝගීන් කළමනාකරණය කිරීම අපහසු වනවා. ඒ නිසා ජනතාව ඉතා වගකීමෙන් රෝගය මෙන්ම රෝගය ඇති තරන වාහක මදුරුවන් බෝ වීමේ අවස්ථා නැති කිරීමට ක්රියා කළ යුතුයි. යයිද පැවසීය.
