අද (29) ඊසානදිග කොලොම්බියාවේ සිදු වූ ගුවන් අනතුරකින් කොලොම්බියාවේ නීති සම්පාදක ඩයෝජිනීස් ක්වින්ටෙරෝ සහ එළඹෙන මාර්තු මැතිවරණය සඳහා කොංග්රස් අපේක්ෂකයෙකු වන කාලෝස් සැල්සෙඩෝ ඇතුළු යානයේ සිටි 15 දෙනාම මිය ගිය බව රජය සතු ගුවන් සේවයක් වන සැටේනා සහ ගුවන් සේවා බලධාරීහු තහවුරු කළහ.
අනතුරට පත් යානයේ මගීන් 13ක් සහ කාර්ය මණ්ඩල සාමාජිකයින් 02ක් සිටියහ. නීති සම්පාදක ඩයෝජන්ස් ක්වින්ටෙරෝ ගේ කණ්ඩායමේ සාමාජිකයින් ද ගුවන් වූහ.
අනතුරට ලක් වන්නේ සැටේනා ගුවන් සේවයට අයත් බීච්ක්රාෆ්ට් 1900 වර්ගයේ NSE 8849 දරන ගුවන් යානය ය. ගුවන් යානය දේශීය වේලාවෙන් පෙ.ව. 11:42 ට පමණ කොලොම්බියාව සහ වෙනිසියුලාව අතර මායිම් කලාපයේ පිහිටි ප්රධාන ජාත්යන්තර ගුවන් තොටුපළක්වන කුකුටා හි කැමිලෝ ඩසා ගුවන්තොටුපලේ සිට ගුවන් ගත වූ අතර රේඩාර් වලින් අතුරුදහන් වීමට පෙර පෙ.ව. 11:54 ට අවසන් වරට සම්බන්ධතා පවත්වා තිබේ. පස්වරු 12.05 වනවිට යානයේ සන්නිවේදන මුලුමනින්ම බිඳවැටී අතුරුදහන්ව තිබිණි. එම අතුරුදහනවීම සිද්ධ වන්නේ යානය ඊසානදිග කොලොම්බියාවේ ඔකානා හි “අගුවාස් ක්ලාරාස්” ගුවන්තොටුපළ වෙත ගොඩබෑමට මිනිත්තු කිහිපයකට පෙරය.
ගුවන් යානය අතුරුදහන් වීම අනාවරණය වූ වහාම ආරක්ෂක සහ සෝදිසි ප්රොටෝකෝල සක්රිය විය. අනතුර සිදුවන්නේ කොලොම්බියාවේ දුර්ගයක්වන කඳුකර කැටටුම්බෝ කලාපයේ ය. යානය අතුරුදහන් වූ මෙම දුෂ්කර කඳුකර භූමි ප්රදේශය බිහිසුණු කාලගුණික තත්ත්වයන් සඳහා ප්රසිද්ධියක් උසුලන්නේය.
ගලවා ගැනීමේ මෙහෙයුම මේ තත්ත්වය තුල ආරම්භයේ සිට ගෙනැවිත් තිබුනේ අභියෝගයකි. ඒ සියලුම අභියෝග සහිතව කැටටුම්බෝ කලාපය හරහා හදිසි සෝදිසි මෙහෙයුමක් ආරම්භ වූයේය. අතිශය අභියෝගාත්මක භූමි ප්රදේශයක් හරහා මෙහෙයුම් කිරීමට ගුවනින් සහ භූමියෙන් සෝදිසි හා ගලවා ගැනීමේ කණ්ඩායම් බලමුළු ගැන්විනි.
කොලොම්බියාවේ ගුවන් සේවා සහ හමුදා බලධාරීන් විසින් පුළුල් සෝදිසි කිරීමකින් පසුව ගුවන් යානයේ සුන් බුන් සොයා ගන්නා ලදී. රජයේ නිලධාරීන්ගෙන් විධිමත් තහවුරු කිරීමක් තවමත් අපේක්ෂා නොකළද, යානයේ සිටි කිසිවෙකු දිවි ගලවා නොගත් බවත් ප්රාදේශීය මාධ්ය වාර්තා කළේය.
ගුවන් යානයේ බඳ කොටසට විශාල හානියක් සිදුවී ඇති බව පෙන්නුම් කරමින්, ගුවන් යානය අනතුරට ලක් වූ ස්ථානයේ රූප ප්රාදේශීය මාධ්ය විසින් නිකුත් කරන ලදී.
අනතුරට හේතුව හෝ අතුරුදහන් වීමට සහ පසුව අනතුරට හේතු වූ නිශ්චිත තත්වයන් පිළිබඳව බලධාරීන් තවමත් සවිස්තර තොරතුරු නිකුත් කර නොමැත. කොලොම්බියාවේ සිවිල් ගුවන් සේවා ඒජන්සියේ විමර්ශකයින් නිල පරීක්ෂණයක කොටසක් ලෙස හෝඩුවාවන් සඳහා සුන්බුන් පීරීමට නියමිතය.
ඊසානදිග කොලොම්බියාවේ වෙනිසියුලාවට කඳුකර කලාපයක්වන නෝර්ට් ඩි සැන්ටැන්ඩර්හි ආණ්ඩුකාර කාර්යාලය ජීවිත අහිමි වූවන්ගේ පවුල්වලට සිය ශෝකය පළ කළේය.
“ලා ප්ලායා ඩි බෙලන් හි ග්රාමීය ප්රදේශයේ පසුගිය පැය කිහිපය තුළ තහවුරු කරන ලද ගුවන් යානා අනතුරෙන් පසු සිදු වූ ඛේදවාචකය ගැන අපි දැඩි ලෙස කනගාටු වෙමු. වින්දිතයින්ගේ පවුල්වලට, මිතුරන්ට සහ ආදරණීයයන්ට අපගේ සහයෝගීතාවය සහ හෘදයාංගම ශෝකය ප්රකාශ කරමු,” කාර්යාලය පැවසීය.
