ශ්රී ජයවර්ධනපුර රෝහලේ අධ්යක්ෂ වෛද්ය රත්නසිරි හේවගේ සිය ධූරයෙන් ඉල්ලා අස්වීමේ ලිපිය රෝහල් අධ්යක්ෂ මණ්ඩය වෙත භාරදී ඇතැයි වාර්තාවේ.
මෙ වන විට රාජකාරී නිවාඩු වාර්තා කර ඇති අධ්යක්ෂවරයා මේ මස (සැප්තැම්බර්) මැද වන විට සිය තනතුරෙන් ඉල්ලා අස්වෙන බවට එම ලිපියේ සඳහන් කර ඇතැයි ද විශ්වාසකටයුතු ආරංචි මාර්ග තහවුරු කරයි.
ඔහුගේ පරිපාලනය ගැටලු මෙන්ම ඔහු රාජපක්ෂ හිතවාදියෙකු බවට වත්මන් රජයෙන් නැගෙන චෝදනා සමඟ ඔහුට සිය තනතුරේ රාජකාරි කර ගැනීමට නොහැකි තත්ත්වක් උදා වූ බවටද තොරතුරු ඇත.
කෙසේ නමුත් මේ වන විට රෝහල් පරිපාලනය මුලුමනින්ම පාහේ බිඳවැටී තිබෙන පසුබිමක නැවත රෝහල ඉහළට ඔසවා තැබීමට හැකි අයෙක් අධ්යක්ෂවරයා ලෙස පත්කිරීමට රෝහල් අධ්යක්ෂ මණ්ඩයේ අවධානය යොමුව ඇති බවද වාර්තාවේ. ඒ අනුව වෛද්ය රත්නසිරි සිය ඉල්ලා අස්වීමේ ලිපිය යොමුකළ සැනින් එම තනතුරට පත්කළ හැකි පුද්ගලයා කවුරුන්ද යන්න පිළිබදව අධ්යක්ෂ මණ්ඩලයේ සහ සෞඛ්ය ඇමතිවරයාගේද අවධාන යොමුව ඇති බව වාර්තාවේ.
මේ වන විට රෝහලේ නියෝජ්ය අධ්යක්ෂ දූරය දරන වෛද්යවරයා වත්මන් ආණ්ඩුව බොහෝ සේ හිතේෂී පුද්ගලයෙකු බවද ඒ පදනමින් ඔහුව රෝහල් අධ්යක්ෂවරයා ලෙස පත් කිරීමේ ඉඩක් ඇති බවට ද තොරතුරු තිබේ.
කෙසේ වෙතත් නලින්ද ජයතිස්ස සෞඛ්ය ඇමතිවරයා විසින් පසුගිය වකවානුව පුරාම ගත් උද්දච්ඡ දේශපාලන තීන්දු මත රෝහල මේ පරිහාණියට පත් වුන බවත් ඔහු විසින් පත් කළ සභාපති නිසා රෝහල් අධ්යක්ෂවරයා ඇතුළු අවංකව රෝහල වෙනුවෙන් වැඩ කළ නිලධාරින් ගණනාවක් දංගෙඩියට ගිය බවත්, මේ රජය පත් වූ දා සිට රෝහල පාලනය කළේ ඇමති පත් කළ වැඩ බැරි සභාපති නොව, ආණ්ඩුවේ වෘත්තීය සමිතිය මෙහෙයවන දූෂණ චෝදනා සහිත විදුලි කාර්මිකයෙක් බවත් තවත් පාර්ශවයක් චෝදනා එල්ල කර ඇත .
