ජනාධිපති අනුර කුමාර දිසානායක ශ්රී ලංකා රාමඤ්ඤ මහා නිකායේ මහානායක අග්ගමහා පණ්ඩිත අතිපූජ්ය මකුලෑවේ විමල නායක හිමිපාණන් වහන්සේත් ශ්රී ලංකා අමරපුර මහානිකායේ මහානායක අතිපූජ්ය කරගොඩ උයන්ගොඩ මෛත්රීමූර්ති මහා නායක හිමිපාණන් වහන්සේ බැහැදැක නව වසරට ආශිර්වාද ලබා ගත්තේය.
රාමඤ්ඤ මහා නිකායේ මහානායක හිමිපාණන් වැඩ වසන මීරිගම, මිණිඔලුව ශ්රී විද්යාවාස මහා පිරිවෙන වෙත ඊයේ (01) දහවල් ගිය ජනාධිපතිවරයා මහා නායක හිමිපාණන් වහන්සේ බැහැදැක සුව දුක් විමසා කෙටි පිළිසඳරක නිරත විය.
අනතුරුව ඊයේ පස්වරුවේ වැල්ලවත්ත, අමරපුර මහා නිකායේ සංඝ මූලස්ථානය වෙත ගිය ජනාධිපතිවරයා කරගොඩ උයන්ගොඩ මෛත්රීමූර්ති මහා නායක හිමිපාණන් වහන්සේ බැහැදුටුවේය.
මහා නායක හිමිපාණන්වහන්සේලා සෙත් පිරිත් සජ්ජායනා කර නව වසරේ කටයුතු වෙනුවෙන් ජනාධිපතිවරයා ප්රමුඛ රජයට සිය ආශිර්වාදය පළ කළහ.
