මේ වනවිට යෝජනා වී ඇති සුළං විදුලි බලාගාර තුනට අමතරව මින් ඉදිරියට මන්නාරම් දූපතේ නව සුළං විදුලි ව්යාපෘති ක්රියාත්මක කිරීම අත්හිටුවන බව කැබිනට් මාධ්ය ප්රකාශක නලින්ද ජයතිස්ස අද කැබිනට් මාධ්ය හමුවේ දී ප්රකාශ කළේය.
මේ වනවිට නව සුළං විදුලි බලාගාර පිහිටුවීම සම්බන්ධව මහජනතාවගේ දැඩි විරෝධයක් මතු වී ඇති පසුබිමක තවත් සුළං විදුලි බලාගාර දෙකක් මේ අනුව මන්නාරම් දූපතේ ඉදිකිරීමට නියමිතව ඇත.
විභව අධ්යයනයකින් පසු තෝරාගෙන සැලසුම් කර ඇති මන්නාරම දූපත සඳහා සුළං විදුලි ව්යාපෘති තුනක් (03) අතරින් එක් ව්යාපෘතියක් වන තම්බපවනි සුළං විදුලි බලාගාරයේ මෙහෙයුම් කටයුතු 2021 වසරේ ආරම්භ කරනු ලැබ තිබිණි.
ඉතිරි ව්යාපෘති දෙකවන Windscape Mannar (Pvt) Ltd මෙගාවොට් 20 ක සුළං විදුලි ව්යාපෘතියේ සහ Hayleys Fentons මෙගාවොට් 50 සුළං විදුලි බලාගාර ව්යාපෘතියේ මෙහෙයුම් කටයුතු පිළිවෙලින් 2025 දෙසැම්බර් මස සහ 2026 දෙසැම්බර් මස ආරම්භ කිරීමට සැලසුම් කර ඇති බව කැබිනට් මාධ්ය ප්රකාශකවරයා කීවේය.
ප්රදේශයේ මහජනතාව ඉදිරිපත් කර ඇති පාරිසරික හා සාමාජීය ගැටලු සැලකිල්ලට ගනිමින් මන්නාරම් දූපතේ ජනතාවගේ කැමැත්තෙන් තොරව තවදුරටත් එම දුපතේ සුළං විදුලි ව්යාපෘති ක්රියාත්මක නොකරන ලෙස ජනාධිපතිතුමා අදාළ බලධාරීන්ට දැනුම දී ඇති බව බලශක්ති අමාත්යතුමා විසින් අමාත්ය මණ්ඩලය දැනුම්වත් කරන ලදුව, ඒ අනුව කටයුතු කිරීම පිණිස අමාත්ය මණ්ඩලයේ එකඟතාවය ලබා දී ඇත.
මේ බලගාර දෙක ඉදිවන්නේ ජනතාවගේ වරෝධය මත බවත්, ජනතා විරෝධයට එරෙහිව ගොස් කිසිම සංවර්ධන ව්යාපෘතියක් සිදු නොකරන බවට ජනාධිපතිවරයා ලබා දුන් පොරොන්දුවට කුමක් වේ දැයි මේ අවස්ථාවේ දී මාධ්ය විමසා සිටියේය.
කැබිනට් මාධ්ය ප්රකාශකවරයා පැවසුවේ පුනර්ජනනී බලශක්තිය රටේ බලශක්ති ප්රභවයෙන් සියයට 70ක පංගුවකට ලඟාවීම සඳහා යන ගමනේ දී සුළං විදුලිය අතිශය වැදගත් බවත් එම විදුලිය නිශපාදනය කළ හැකි විභව ස්ථාන ඉතාම විරල බවත්ය. එබැවින් සැලසුම් කළ ස්ථානයේ මෙම සුළං විදුළි බලාගාර තුන පමණක් ඉදිකරන අතර ඉන් පසු ජනතා කැමැත්තට එරෙහිව මන්නාරම් දූපතේ සුළං විදුලි බලාගාර ඉදි නොවන බවට ද ඇමතිවරයා සහතික වුනේය.
ජනතාව ගේ සලකා බැලිය යුතු ප්රශ්න ගැන මෙන්ම මේ ජාතික අවශ්යතාවයත් අප ඉදිරියේ තියනවා. අප හිතනවා මේ තත්ත්වය ජනතාව තේරුම් ගනී කියලා… ඇමතිවරයා පැවසුවේය.
