ඡන්ද අල්ලසක් ලෙස වතුකරයේ ජනතාවට රා බෙදා හරින බවත, එම කෘත්රිම රා පරිභෝජනයට නුසුදුසු ශරීරයට විෂ සහිත විෂ ද්රව්ය අන්තර්ගත ඒවා බවත් මූලික විමර්ශනවලදී අනාවරණය වී තිබේ.
මේ පිළිබඳව අදහස් දක්වමින් මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ ප්රකාශ කළේ ඡන්ද අල්ලසක් ලෙස රා බෙදා හරින බවට මැතිවරණ නිරීක්ෂණ සංවිධානයක් මගින් මහජන සෞඛ්ය පරීක්ෂකවරුන්ගේ සංගමයට කළ දැනුම්වත් කිරීමටකට අනුව එම රා සාම්පල පිළිබඳ මූලික විමර්ශන කළ බවත් එහිදී ආනාවරණය වූයේ අධික විෂ සහිත මිනිස් පරිභෝජනයට නුසුදුසු කෘත්රිම රා මෙසේ බෙදා හරින බවත්ය.
මහජන සෞඛ්ය පරීක්ෂකවරුන්ගේ සංගමය ලෙස තමන්ට කළ හැක්කේ මෙම රා නිසා ඇතිවන සෞඛ්ය ව්යසනය ගැන සොයා බැලීම පමණක් බැවින් ඒ සම්බන්ධව විධිමත් පර්යේෂණ කටයුතු සූදානම් කර ඇති බවත් මෙවැනි පරීක්ෂණයක් මහජන සෞඛ්ය පරීක්ෂකවරුන් ගේ සංගමය මැදිහත් වී සිදුකරන්නේ ප්රථම වතාවට බවත් ඔහු කීවේය. ඔහු පැවසුවේ වතුකරයේ ජනතාව වෙත ගොස් ඔවුන් මේ සම්බන්ධව පුළුල් විමර්ශනයක් පවත්වන බවය.
මෙම කෘත්රිම රා පානයෙන් පසු ඇතැම් කම්කරුවන් දින ගණන් වැඩ පැමිණි නැති බව වතු පරිපාලනය විසින් සිදුකර ඇති පැමිණිලි සම්බන්ධව තමන්ගේ අවධානය වැඩි වශයෙන් යොමු වී ඇතැයි මහජන සෞඛ්ය පරීක්ෂවරුන්ගේ සංගමය පවසයි.
