ශ්රියානි විජේසිංහ –
පසුගිය උත්සව සමයේදී ( 13, 14 ) සිදුවූ විවිධ හදිසි අනතුරු හේතුවෙන් පුද්ගලයින් 6 ජීවිතක්ෂයට පත්ව ඇති බවත් ඔවුන් රෝහල් ගතකරන අවස්ථාව වන විටත් මියගොස් සිටි බව කොළඹ ජාතික රෝහලේ හදිසි අනතුරු අංශයේ අධ්යක්ෂ වෛද්ය ඉන්දික ජාගොඩ පැවසුවේය.
ගෙවී ගිය දින දෙක තුළදී හදිසි අනතුරු අංශයට ඇතුළත් කළ රෝගීන්ගේ සංඛ්යාව 412ක් යැයිද ඉන් රෝගීන් 80ක් දෙනා විවිධ ශල්යකර්මවලට භාජනය කළ බවද වෛද්ය ජාගොඩ සඳහන් කළේය.
මෙම හදිසි අනතුරු වැඩිම ප්රමාණයක් වාර්තා වී ඇත්තේ ගෘහාශ්රිත අනතුරු බව පෙන්වා දුන් වෛද්යවරයා ඒ සම්බන්ධව රෝගීන් 110 දෙනෙකු රෝහලට ඇතුළත් කර ඇති බවත් පැවසීය.
එමෙන්ම මාර්ග අනතුරු හේතුවෙන් 94 දෙනෙකු ද රෝහල් ගත කර ඇති බවත් වෛද්යවරයා පැවසීය.
මෙවර අඩුම අනතුරු සිදුව ඇත්තේ ගිනිකෙළිවලින් බවත් එම සංඛ්යාව දෙදෙනෙකු පමණක් බවත් කී වෛද්යවරයා මෙය ඉතා හොඳ ප්රවණතාවක් යැයිද සඳහන් කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
