ගාලු මුවදොර අරගල භූමියට පහරදීම සම්බන්ධයෙන් සැකපිට බස්නාහිර පළාත් සභාවේ හිටපු මන්ත්රීවරයෙක් වූ අමල් සිල්වා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබේ. මීට අමතරව තවත් මොරටුව නගරසභා සේවකයෙක් ද අත්අඩංගුවට ගෙන ඇත.
මෙම පුද්ගලයා මීට පෙර අපරාධ චෝදනා මත බන්ධනාගාරගත වී සිටි තැනැත්තෙකි. එමෙන්ම පාතාලය හා සම්බන්ධතා පවත්වන බවට චෝදනා ලැබූවෙක් බව අපරාධ පරීක්ෂණ දෙපාර්තමේන්තු ආරංචි මාර්ග කියයි.
වර්ෂ 2018 දී ප්රතිවිරුද්ධ පාතාල කල්ලියක වෙඩි ප්රහාරයට ලක් වී ජීවිතය බේරාගෙන තිබුණු බවත් මත්ද්රව්ය ජාවාරම සම්බන්ධව පොලිස් මත්ද්රව්ය නාශක අංශය මෙම තැනැත්තා ගැන අවධානයෙන් සිටින බවත් එම ආරංචි මාර්ග පවසයි.
නීති විරෝධී වාහන එකලස් කිරීම සම්බන්ධවත් නීති විරෝධී ගිනි අවි භාවිතය සම්බන්ධවත් චෝදනා ගණනාවක් ඔහුට එල්ල වී තිබෙන බව පොලිස් ආරංචි මාර්ග පෙන්වා දෙයි.
මීට අමතරව තවත් මොරටුව නගරසභා සේවකයෙක් ද අත්අඩංගුවට ගෙන ඇත. දෙදිනකට මොරටුව නගර සභාවේ සේවය කරන මොරටුමුල්ලේ පදිංචි කම්කරුවෙක්ද අපරාධ පරීක්ෂණ දෙපාර්තමේන්තුව විසින් එම පහරදීම සම්බන්ධයෙන් සැකපිට අත්අඩංගුවට ගෙන තිබේ.
ඒ අනුව අද වනවිට ගාලු මුවදොර පහරදීමට සම්බන්ධව පුද්ගලයින් 03ක් අත්අඩංගුවට ගෙන ඇතැයි පොලිසිය පවසයි.
