-
කෝටි 21 වටිනා රත්තරන් තොගයක් ගුවන්තොටුපල විශේෂ ප්රවේශයෙන් පිටවී යෑමට උත්සාහ කළ සිවිල් ගුවන් ආරක්ෂක සේවා සංවිධානයේ සභාපති අත් අඩංගුවට පත් වී තවම සතියක්වත් නෑ….
රුපියල් මිලියන 20 ක් පමණ වටිනා රන් බිස්කට් තොගයක් සිය සිරුරේ සඟවාගෙන නීති විරෝධී ලෙස ගුවන් තොටුපලෙන් පිටතට ගෙන යාමට උත්සාහ කළ ශ්රී ලංකා ගුවන් හමුදා බුද්ධි නිලධාරියෙකු අත්අඩංගුවට ගෙන තිබේ.
කටුනායක බණ්ඩාරනායක ජාත්යන්තර ගුවන්තොටුපළේ දී ශ්රී ලංකා රේගුවේ මත්ද්රව්ය පාලන ඒකකය විසින් අද අළුයම සිදු කරන ලද විශේෂ මෙහෙයුමකදී මෙම අත්අඩංගුවට ගැනීම සිදු කර ඇත්තේ ග්රෑම් 550ක් බර රන් බිස්කට් 40ක් සිය ඉනෙහි සඟවාගෙන ගුවන්තොටුපල පැමිණීමේ පර්යන්තය ඔස්සේ පිටවී යෑමට උත්සාහ කරද්දී ය.
මිනුවන්ගොඩ ප්රදේශයේ පදිංචි ගුවන්හමුදා කෝප්රල් වරයෙක් වූ මෙම සැකකරු වයස අවුරුදු 37 ක් වන අතර වසර 17 ක් ගුවන් හමුදාවේ සේවය කර ඇත.
ඔහු අත්අඩංගුවට ගෙන මේ වනවිට වැඩිදුර විමර්ශන සිදුකරමින් ඇත. මේ හෙළිදරවු වෙමින් ඇත්තේ දීර්ඝ කාලයක් තිස්සේ ගුවන්තොටුපල ආරක්ෂක අංශවල නිලධාරීන් යොදවාගෙන සිදුකරන සංවිධානාත්මක ජාවාරමක්දැයි මේ වනවිට විමර්ශන අංශවලට සැක පහළ වී තිබේ.
පසුගිය 14 වැනිදා උදෑස ද මේ ආකාරයෙන් කෝටි 21 වටිනා රත්තරන් තොගයක් ගුවන්තොටපල විශේෂ ප්රවේශයෙන් පිටවී යෑමට උත්සාහ කළ ගුවන්තොටුපල ජ්යෙෂ්ඨ ආරක්ෂක නිලධාරියෙක් වූ සිවිල් ගුවන් ආරක්ෂක සේවා සංවිධානයේ සභාපති රේගුව මගින් අත් අඩංගුවට ගත්තේය.
ඒ ආකරයෙන් අත් අඩංගුවට ගෙන තිබුණේ මීගමුව කඳවල ප්රදේශයේ පදිංචි 54 හැවිරිදි අයෙකි.
