වත්තල පොලිස් කොට්ඨාසයේ පල්ලියවත්ත ප්රදේශයේ රුපියල් කෝටි තුන හමාරක් පමණ වටිනා “අයිස්” මත්ද්රව්ය සමග අත් අඩංගුවට ගෙන දැනට පොලිස් අත්අඩංගුවේ පසුවන සංවිධානාත්මක අපරාධකරුවෙකු සහ මහා පරිමාණ මත්ද්රව්ය ජාවාරම්කරුවෙකු වන “කෙහෙල්බද්දර පද්මේ” ගේ සමීප මිතුරන් ලෙස සැලකෙන සැකකරුවන් තිදෙනෙකු බව පොලිසිය පවසයි.
විෂ මත්ද්රව්ය උවදුර මුලිනුපුටා දැමීම සඳහා වන රජයේ නව වැඩපිළිවෙල හෙවත් ‘රටම එකට’ ජාතික මෙහෙයුම යටතේ ඊයේ (30) සවස මෙම වැටලීම සිදුකර තිබිණි.
සැකකරුවන් ළඟ තිබී “අයිස්” කිලෝග්රෑම් 2 යි ග්රෑම් 165 ක් සොයා ගෙන තිබේ.
අත්අඩංගුවට ගත් සැකකරුවන් වයස අවුරුදු 25, 21 සහ 28 ක් වන වත්තල පල්ලියවත්ත, අවරකොටුව සහ ගලගහදූව ප්රදේශවල පදිංචිකරුවන් වේ.
අත්අඩංගුවට ගත් සැකකරුවන් වැලිසර අධිකරණයට ඉදිරිපත් කිරීමට නියමිතය.
