කොළඹ, මහනුවර, පුත්තලම්, වවුනියා සහ යාපනය යන දිස්ත්රික්කවල අසාමාන්ය ලෙස දූෂිත වාතයේ ඉහළයාමක් දක්නට ලැබෙන බව ආපදා කළමනාකරණ මධ්යස්ථානය පවසයි.
ඔවුන් පෙන්වා දෙන්නේ මෙම තත්ත්වය ඔක්තෝම්බර් 27 සිට දක්නට ලද බව ය.
ඉන්දියාවේ දූෂිත සුළං හමාඒම මගින් අසාමාන්ය ලෙස විශාල වායු දූෂක අංශු ප්රමාණයක් ශ්රී ලංකාවේ වායු ගුණාත්මක භාවයට අහිතකර ලෙස බලපා ඇති බව විශේෂඥයෝ පවසති.
වැඩිහිටි ජනතාවගෙන් ශ්වසන හා හෘද රෝග ඇති අය, ළමා හා ගැබිනි මව්වරුන් විශේෂයෙන් උතුරේ , බටහිර වෙරළබඩ ප්රදේශ සහ මධ්යම කඳුකරයේ ජනතාව වඩාත් සැළකිලිමත් විය යුතු බව ඔවුහු පෙන්වා දෙති.
ඉන්දීය කලාපයේ සුළං දිගින් දිගටම දූෂක වායු අංශු ගොඩබිම් ප්රදේශවලට ගෙන එනු ඇති බව ද පැවැසේ.
“මේ වසරේදී ඉන්දියාව හරහා රට තුළට විශාල දූෂිත වාතයක් ගලා ඒම දක්නට ලැබුණා. විශේෂයෙන් නවදිල්ලියේ වාතය ඔක්තෝබර් අග වන විට ඉහළ දූෂිත මට්ටමකට ළඟා වූ අවස්ථාවේදී ” යැයි ජාතික ගොඩනැගිලි පර්යේෂණ සංවිධානයේ (NBRO) වායු ගුණාත්මක ඒකකයේ රටේ වායු තත්ත්ව දර්ශකය (AQI) අධීක්ෂණය කරන ජ්යෙෂ්ඨ විද්යාඥ එච්.ඩී.එස්. ප්රේමසිරි මහතා උපුටා දක්වමින් සන්ඩේ ටයිම්ස් පුවත් සඳහන් කරයි.
රටේ වායු දූෂණයට ප්රධාන දායකත්වයක් සපයන වාහන සංචලනය COVID-19 ආශ්රිත සීමාවන් අනුගමනය කිරීම හේතුවෙන් අඩු වුවද ඉන්දියානු කලාපයෙන් ඉහළ දූෂක කාරක මෙහි පැමිණීමට එය ද හේතුවක් බව ඔහු පැවසීය.
“පසුගිය සති දෙක තුළ, ශ්රී ලංකාවේ AQI (වායු තත්ත්ව දර්ශකය) 75 ත් 100 ත් අතර වෙනස් විය. (විශේෂිත කාරණය 2.5 වැඩිවීමකි) ඉන්දියාවේ නවදිල්ලියේ AQI මට්ටම 200 ට වඩා ඉහළ ගොස් ඇත (ඉතා අයහපත් මට්ටම). මේ වන විට කොළඹ AQI හි මධ්යස්ථ අගය 78 කි. ඉන් අදහස් කරන්නේ වාතයේ ගුණාත්මකභාවය නරක නොවන නමුත් සංවේදී කුඩා පිරිසකට හුස්ම ගැනීමේ අපහසුතාවයක් හෝ ඔවුන්ගේ ශ්වසන රෝග තීව්ර වන බව දැක ගත හැකි බවයි.
උතුරු ඉන්දියාවේ හිමාලය, බංග්ලාදේශය හෝ චීනය යන රටවලින් වාතය පැමිණෙන්නේ නම් එළඹෙන උතුරු නැගෙනහිර මෝසම් සුළං මගින් ද තවත් වායු දූෂණය විය හැකි බව ප්රේමසිරි මහතා අනතුරු ඇඟවීය.
දුමාරය, අපැහැදිලි අහස සහ ගොඩනැගිලිවල දෘශ්යතාව දුර්වල බව
වායු දූෂණය වී ඇති බවට පෙන්නුම් කරන ලක්ෂණය.
එළිමහනට නිරාවරණය වීම සීමා කිරීම, එළිමහන් ව්යායාම සහ ක්රීඩා ක්රියාකාරකම් වලක්වා ගැනීම, මුඛ ආවරණ පැළඳීම සහ වෛද්ය ප්රතිකාර ලබා ගැනීම, අවදානම් සහිත ප්රදේශවල සිටින අයට උපදෙස් දී තිබේ.
