රිවිර මීඩියා කෝපරේෂන් සමාගම විසින් ප්රකාශයට පත් කළ “ද නේෂන්“ ජාතික පුවත් පතේ නියෝජ්ය කර්තෘ කීත් නොයාර් මහතා පැහැරගෙන ගොස් පහර දී වධ හිසා පැමිණ වීම සම්බන්ධයෙන් චෝදනාවකට ලක්ව සිටින හමුදා නිලධාරියකු වන මේජර් ප්රභාත් බුලත්වත්තට ඇමෙරිකානු රජය විසින් සම්බාධක පනවනු ලැබ ඇත.
මෙම සිදුවීම 2008 වසරේ මැයි මාසයේදී සිදුවූ අතර එවකට කොළඹ ට්රිපොලි හමුදා කඳවුරේ කාණ්ඩයක් භාර ප්රධානියා සෙ කටයුතු කළ බුලත්වත්ත ට මෙම මාධ්යවේදියා පැහැරගෙන යාමේ සිද්ධියට සම්බන්ධ බවට චෝදනා එල්ල වූ අතර ඔහු සම්බන්ධයෙන් නෛතික පියවර ද මේ විට ගෙන ඇත.
මෙම සම්බාධක අනුව ඔහුට ඇමෙරිකාවට ඇතුළු වීමට හෝ ඇමෙරිකාවේ දේපළ හෝ වෙනත් වත්කම් හිමි කර ගැනීම ඇතුළු කටයුතු රැසක් වෙනුවෙන් සම්බාධක පැනවෙනු ඇති බව ඇමෙරිකානු රජය නිවේදනය කරයි. ජාත්යන්තර දූෂණ මර්දන දින සහ ජාක්යන්තර මානව හිමිකම් දිනය නිමිත්තෙන් රටවල් ගණනාවක මානව හිමිකම් කඩ කළ සහ දූෂණවලට සම්බන්ධ වූ අය වෙනකුවෙන් සම්බාධක පැනවුණු අතර ශ්රි ලංකාවෙන් මෙම සම්බාධක නාමාවලියට හසුවූ එකම නිලධාරියා වන්නේ මේජර් ප්රභාත් බුලත්වත්තය.
