කාෂ්මීරයේ පළමු විදුලි දුම්රියට සියලු කටයුතු මේවන විට සූදනම් බවත් එළැඹෙන 2 වැනිදා ප්රථම දුම්රිය ගමණ සිදුකරන බවද ඉන්දීය දුමරිය බලධාරීන් පවසයි.
ඒ අනුව මෙම මාසය අවසානයේදී කිලෝමීටර් 137 ක අත්හදා බැලීමේ දුම්රිය ගමනක් සිදු කිරීමටද නියමිතය. මෙහිදී කාෂ්මීරය දක්වා දිවෙන බැරමුල්ල-බඩ්ගම් කොටසේ දුම්රිය මාර්ගයට අවශ්ය විදුලි බලය ලබාදීමේ කටයුතු මේ වසරේ මැයි-ජූනි මාසවලදී අවසන් කළ අතර බුඩ්ගම්-බනිහාල් කොටසේ කටයුතු වැඩ ඉක්මනින් අවසන් කරන බව කාශ්මීර උතුරු දුම්රිය ප්රධාන ප්රදේශ කළමනාකරු සකීබ් යූසුෆ් පවසයි.
අදාල විදුලි සම්බන්ධතා ලබාදීම පිළිබඳ ප්රධාන විදුලි ඉංජිනේරු පරීක්ෂණය සැප්තැම්බර් 26 වැනිදා සිදු කෙරෙන අතර ගාන්ධි ජයන්ති දිනයේදී ව්යාපෘතිය ආරම්භ කරන බවද දුම්රිය බලධාරීන් අනාවරණය කරයි.
මෙම ව්යාපෘතිය සඳහා ඉන්දීය රුපියල් කෝටි 324 ක වියදමක් දරා ඇති අතර කිලෝමීටර් 137 ක දුම්රිය මාර්ගයට ප්රධාන උප පොළවල් තුනකින් සමන්විතය.
විදුලි දුම්රිය හදුන්වා දීම මගින් දුම්රිය මගින් සිදුවන වායු දූෂණය අවම කිරීමට අපේක්ෂා කරන අතර මෙහෙයුම් පිරිවැය සියයට 60 කින් අඩු කිරීමට ද අපේක්ෂා කෙරේ.
අදාල දුම්රිය ව්යාපෘතිය මගින් කාෂ්මීර ප්රදේශයේ ආර්ථික තත්ත්වය වර්ධනය කිරීමටත් එමගින් එම ප්රදේශයේ ජීවත් වන ජනතාවගේ ජීවන තත්ත්වය ඉහළ දැමිමටද ඉන්දීය රජය අපෙක්ෂා කරයි.
ඉන්දීය රජය විසින් මේවන විට පොසිල ඉන්ධන භාවිතය අවම කිරීමට අපෙක්ෂා කරන අතර එහිදී එරට දුම්රිය මගින් වාර්ෂිකව විශාල වායු දූෂණයක් සිදුකරන බවට අනාවරණය වී තිබේ.
