විශ්‍රාම ගිය සහ/හෝ ජාතික ක්‍රිකට් ක්‍රීඩාවෙන් විශ්‍රාම ගැනීමට අදහස් කරන ජාතික තලයේ ක්‍රීඩකයින් සම්බන්ධයෙන් විශේෂ තීරණ කීපයක් ගැනීමට ඊයේ රැස් වූ ශ්‍රී ලංකා ක්‍රිකට් විධායක කමිටුව නිර්දේශ කළේය.
ඒ අනුව ජාතික ක්‍රිකට් ක්‍රීඩාවෙන් විශ්‍රාම ගැනීමට අදහස් කරන ජාතික ක්‍රීඩකයින් ශ්‍රී ලංකා ක්‍රිකට් ආයතනයට විශ්‍රාම යාමට අදහස් කරන බවට මාස තුනක දැනුම්දීමක් කළ යුතුය.
විදේශීය ෆ්‍රැන්චයිස් ලීගවලට ක්‍රීඩා කිරීම සඳහා ‘‘විරෝධතා සහතික’’ (NOCs) ලබා ගැනීමට කැමති විශ්‍රාමික ජාතික ක්‍රීඩකයින් වෙනුවෙන් එම සහතික නිකුත් කරනු ලබන්නේ සිය විශ්‍රාම දිනයෙන් මාස හයක් සම්පූර්ණ කර ඇති ක්‍රීඩකයින්ට පමණි.
එමෙන්ම විශ්‍රාමික ජාතික ක්‍රීඩකයින් LPL වැනි දේශීය ලීග සඳහා සුදුසුකම් ලබන්නේ යැයි සලකනු ලබන්නේ, ඔවුන් ලීගය පැවැත්වීමට පෙර වාරයේ පවත්වන ලද දේශීය ක්‍රිකට් තරඟවල තරඟ වලින් 80% ක් ක්‍රීඩා කර ඇත්නම් පමණි.
ඉහත තීරණ වහාම ක්‍රියාත්මක වන බව ශ්‍රී ලංකා ක්‍රිකට් නිවේදනයක් නිකුත් කරමින් පවසයි.
මේ තත්වය තුළ මීට දින දෙකකට පෙර ජාත්‍යාන්තර ක්‍රිකට් දිවියෙන් සමුගත් භානුක රාජපක්ෂට බංගලා දේශ ප්‍රිමියර්ලීග් තරගාවලිය නියෝජනය කිරීමේ අවස්ථාව අහිමිවීමේ අවදානමක් ඇතැයි වාර්තා වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
බංගලාදේශ ප්‍රිමියර් ලීග් තරගාවලිය වෙනුවෙන් කුල්නා ටයිගරස් කණ්ඩායම ක්‍රීඩක වෙන්දේසියේ දී භානුකව මිලදී ගෙන තිබුණේ ඇමරිකානු ඩොලර් හැත්තෑ පන් දහසක මුදලකටය.