ක්ලබ් වසන්ත ඝාතනනයේ එක් වෙඩික්කරුවකු වන 31 හැවිරිදි පැටී අරඹගේ අජිත් රෝහණ නැමැති කුලී ඝාතකයා අද (23) දින දෙහිවල පොලිස් වසමේ කවුඩාන ප්රදේශයෙන් අත්අඩංගුවට ගෙන ඇති බව පොලිස් විමර්ශන අංශ පවසයි.
මෙම පුද්ගලයා යුද හමුදාවෙන් පැන ආ තැනැත්තෙකි. ඔහු සමග ටී-56 ගිනි අවියක් හා උණ්ඩ 120ක් ද, මිලිමීටර් 9 පිස්තෝල උණ්ඩ තොගයක් ද අත් අඩංගුවට ගෙන තිබේ. ප්රශ්න කිරීම්වලදී ඝාතකයා පවසා තිබුණේ ක්ලබ් වසන්තට වෙඩි තැබූ අවිය එය නොවන බවත් එම ගිනි අවිය තරමක් පරණ ගිනි අවියක් බවත්ය.
එමෙන්ම මෙම ඝාතන කොන්ත්රාත්තුව මෙම කුලී ඝාතකයාට ලබා දී ඇත්තේ විදෙස්ගතව සිටින කංජිපානි ඉම්රාන් සහ ලොකු පැටී බව ද ප්රශ්න කිරීම් වලදී අනාවරණය වී ඇත.
තවද අතුරුගිරිය ප්රදේශයෙන් නිවසක් කුලියට ගැනීම සහ වෙඩික්කරුවන් බස් රථයෙන් කතරගම දක්වා රැගෙන යෑමට සම්බන්ධ පුද්ගලයා වන වයස අවුරුදු 29ක් වූ තාරුකාර වරුණ ඉන්දිකද සිල්වා නැමැත්තාද පොලිසිය විසින් අත්ඩංගුවට ගෙන ඇත.
අපරාධ විමර්ශන දෙපාර්තමේන්තුව බාර නියෝජ්ය පොලිස්පති රොහාන් ප්රේමරත්නගේ මෙහෙයවීම මත ත්රස්ත විමර්ශන කොට්ඨාසය බාර ජ්යෙෂ්ඨ පොලිස් අධිකාරී ප්රසන්න අල්විස් ප්රමුඛ කණ්ඩායමක් මෙම අත්අඩංගුවට ගැනීම සිදුකර ඇත.
