මනම්පිටිය නිමල් ජයරත්න –
පොලොන්නරුව දියබෙදුම පොලිස් වසමේ ඉහකුළු වැව හතළිස් එක රක්ෂිතයේ මියගිය ඇතෙකුගේ සිරුරක් අද ( 17 ) ප්රදේශවාසීන්ට හමුවී ඇති බව දියබෙදුම පොලිසිය සඳහන් කරයි.
පසුව ඒ පිළිබඳ ප්රදේශවාසීන් විසින් ගිරිතලේ පශුවෛද්ය නිළධාරීන් දැනුවත් කර තිබේ.
බොහෝ දුරට මෙම ඇතා මින්නේරිය සහ කවුඩුල්ල වනෝද්යාන තම නිජබිම කරගනිමින් සැරිසරු යුනිකෝර්න් (T039) ඇතා බවට සමානකම් පෙන්වන බව ඒ පිළිබඳ පරීක්ෂණ සිදු කරන ගිරිතලේ වනජීවි නිළධාරීන් පවසති.
වයස අවුරුදු 40 කට ආසන්න, එම ඇතාගේ දකුණු දළය අඩි 4 කට ආසන්න බවත්, උස අඩින් 8.5 ක් පමණ ඇති ඇතෙක් බවත්, එම ඇතා, මීට දිනකට හෝ දෙකකට ආසන්නව මියගොස් ඇති ආකාරයක් දැක ගැනීමට හැකි බවත් වනජීවි නිළධාරීන් පවසයි.
මෙම ඇතාට වෙඩිතබා ඝාතනය කරන්නට ඇද්ද, නැතහොත් වෙනත් මරණයක් ද යන්න ගිරිතලේ වනජීවී පශු වෛද්ය සමීර කළිඟු ආරච්චි ඇතුලු වනජීවි නිලධාරින් පිරිසක් විසින් පරීක්ෂණ කටයුතු සිදු කරමින් පවතී.
