ඔන්මැක්ස් ඩී.ටී පිරමීඩ ව්යාපාරයේ දකුණේ නියෝජිතයෙක් ලෙස කටයුතු කරන පින්තාරු කරුවෙක් ලෙස රැකියාව කළ පුද්ගලයෙක් සිය බිරියගේ නමට මිලදී ගෙන තිබූ රුපියල් දෙකෝටි අසූ ලක්ෂයක් වටිනා බී.එම්.ඩබ්ලියු රථයක් නිවසේ නවතා තිබිය දි කිසියම් පිරිසක් විසින් ගිනි තබා සම්පූර්ණයෙන්ම විනාශ කර ඇතැයි එම පුද්ගලයා හුංගම පොලිසියට පැමිණිල්ලක් කර තිබේ.
ඊයේ රාත්රියේ 10.30ට පමණ රන්න, වීරෝධාර මාවතේ අංක 144 දරන සිය නිවසේ නවතා තිබූ රථයට ගිනි තැබූ බව මෙසේ පැමිණිලි කර ඇත්තේ ප්රගීත් සංජීව දසනායක (39) නැමැති පුද්ගලයෙකි.
මේ පුද්ගලයා දකුණේ ජනතාවගේ කෝටි ගණනක මුදලක් වංචා කිරීම සම්බන්ධව සමාජයෙන් චෝදනා එල්ල වූ අයෙකි. ඔහු පොලිසියට පවසා ඇත්තේ තමන් වාහනය විකුණා දමා පුද්ගලයින්ගේ ණය මුදල් ගෙවීමට සූදානම්ව සිටිය දි මෙසේ නාඳුනන පිරිසක් පැමිණ වාහනයට ගිනි තබා ඇති බවය.
එහෙත් විමර්ශන අංශ මේ සම්බන්ධව යම් සැකයක් මතුවන බවය. නිවසට පිරිසක් පැමිණ වාහනය ගිනි තිබ්බා ද, වාහනයේ රක්ෂණ මුදල ලබා ගැනීමට හෝ වෙනයම් සැලසුම් සහගත වංචාවකට ඔහු විසින්ම වාහනයට ගිනි තබා ගත්තා දැයි සොයා බැලිමට විමර්ශන ආරම්භ කර ඇති බවය.
