ශ්රියානි විජේසිංහ
ඝාතනය කර ඇති එප්පාවල කිරලෝගම රුක්සෙවන අසපුවේ විහාරාධිපති හැට නවහැවිරිදි විලච්චියේ ප්රේමරතන හිමිගේ හිසෙහි හා මුහුණෙහි බරපතල කැපුම් තුවාල පවතින අතර ලිංගේන්ද්රයද කපා දමා ඇතැයි පොලීසිය සඳහන් කරයි.
මෙම ස්ථානයේ තිබී පාවහන් යුගල 3ක් හා වක් පිහියක් සොයා ගන්නා ඇති බව විමර්ශන අංශ කියයි.
ඝාතනය කර තිබු උන් වහන්සේගේ දේහය ඊයේ (25) සවස සංඝාවාසය ඉදිරිපිට පුටුවක මත තිබියදී පන්සලට පැමිණි වෙනත් ස්වාමීන් වහන්සේ නමක් විසින් දැක ඇති අතර පසුව ප්රදේශවාසීන්ගේ ද සහය ඇති ග්රාම නිලධාරිවරයාව දැනුවත් කර එප්පාවල පොලිසියට පවසා තිබුණි.
විහාරස්ථානයේ තිබු ත්රීරෝද රථය එප්පාවල රෝහල ඉදිරිපිට වෙළඳසැලක් අසල පෞද්ගලික ඉඩමක දමා ගොස් තිබියදී අද(26) පෙරවරුවේ විමර්ශන අංශ විසින් සොයා ගෙන ඇත.
අදාළ ඉඩම් හිමියා විසින් දින කීපයක් මෙම ත්රී රෝද රථය තම ඉඩමේ නවතා තිබෙන බැවින් ඒ පිලිබඳව සැක සිතී පොලිසියට ඒ බව දැනුම් දි තිබේ.
ඝාතනය ලක් වූ හිමි නමට මෙම ත්රිරෝද රථය තිබී ඇත. එය පැදවීමට රියදුරෙකු සිටි බවත් රියදුරු සොයා මේ වන විට පොලිස් පරික්ෂණ ආරම්බ කර ඇති බවත් වාර්තා වේ.
