ඉරානය තවමත් නිල වශයෙන් සටන් විරාමය පිළිගැනීමට නොපෙළඹීම හේතුවෙන් ඉරාන ඊශ්රයාල යුද තත්ත්වය සම්බන්ධව ඇත්තේ අවිනිශ්චිත වටපිටාවක් බව ජාතයාන්තර මාධ්ය වාර්තා කරයි.
ඊශ්රායලය පවසන්නේ එක්සත් ජනපද ජනාධිපති ට්රම්ප්ගේ අදියරෙන් අදියර ක්රියාත්මකවන සටන් විරාම යෝජනාවට එකඟ වී ඇති අතර එය දැන් ක්රියාත්මක වන බවය.
ඉරානයෙන් දියත් කරන ලද නව මිසයිල ප්රහාරයක් පිළිබඳව මහජනතාවට අනතුරු ඇඟවූ විට පවා, ඊශ්රායලය සටන් විරාමයක් ප්රකාශ කර ඇති බව ඉරාන රාජ්ය රූපවාහිනිය අද වාර්තා කළේය. තමන් සටන් විරාමයට එළඹි බව ඔවුන් නිල වශයෙන් ප්රකාශ නොකර සටන් විරාමයක් සම්බන්ධව ඉරාන රාජ්ය රූපවාහිනය ග්රැෆික් නිර්මාණයක් මගින් ප්රකාශයට පත් කළ බව අල් ජසීරා වාර්තා කළේය.
ඉරාන විදේශ අමාත්ය අබ්බාස් අරක්චි පැහැදිලි කර ඇත්තේ
“කිසිදු සටන් විරාමයක් හෝ හමුදා මෙහෙයුම් නැවැත්වීමක් සම්බන්ධයෙන් කිසිදු එකඟතාවයක් නොමැති.” බවය. ඔහු ප්රකාශ කළේ ඉරානය නියමිත කාල සීමාවකින් (ටෙහෙරාන් වේලාවෙන් පෙ.ව. 4 ට) ඊශ්රායලය තම ප්රහාර නතර කළහොත් පමණක් තමන් ප්රහාර නවත්වන බව හෝ ඉදිරියේ දී නැවැත්වීමට තීරණය කරන බවය.
“ඔව් – සටන් අවසානයි” යනුවෙන් දෙපාර්ශ්වයෙන්ම ඒකාබද්ධ ප්රකාශයක් තවමත් නිකුත් වී නැත. ඒ අනුව යුද්ධය සම්පූර්ණයෙන් අවසන් බවට අදහසක් නැත. සටන් විරාමයක් සඳහා කොන්දේසි පවතිද්දීත් සටන දිගටම පැවතීමේ හැකියාවක් ද ඇත.
දැනට ට්රම්ප් යෝජනා කර ඇති සටන් විරාමයේ දී මුලින්ම ඉරානය පැය 12 ක විරාමයකින් ආරම්භ කළ යුතු අතර, පසුව ඊශ්රායලය පැය 12 ක් එය අනුගමනය කරනු ඇත. ඉන්පසු න්යායාත්මකව යුද්ධය අවසන් බව ප්රකාශ කරනු ඇත. එහෙත් ඊට අනුගත නොවී ඉරානය ඊශ්රයාලය වෙත ප්රහාර එල්ල කර තිබිණි. අනතුරුව මිසයිල හුවමාරුව පැවතිනි.
එබැවින් සටන් විරාමය බිඳෙන සුළු වන අතර තවමත් සම්පූර්ණයෙන් ක්රියාත්මක කර නොමැත. ප්රධාන ප්රශ්න ඉතිරිව ඇත. එකඟවන කොන්දේසි මොනවාද? දෙපාර්ශ්වයම සම්පූර්ණයෙන්ම නතර වේද? එය ආරම්භක පැය 24 න් ඔබ්බට පවතිනු ඇත්ද?.
ජුනි 13 වන දින ඊශ්රායලය ප්රහාරය දියත් කළ දා සිට ළමුන් 13 දෙනෙකු ඇතුළුව 400 කට වැඩි පිරිසක් මිය ගොස් ඇති අතර අවම වශයෙන් 3,056 දෙනෙකු තුවාල ලබා ඇති බව ඉරානය පවසයි. ඊශ්රායලයේ, ඉරාන ප්රහාරවලින් අවම වශයෙන් පුද්ගලයින් 24 දෙනෙකු මිය ගොස් ඇත. දහස් ගණනක් තුවාල වී ඇත. ව්යසනයට ලක් වූ දේපල සහ දින 12ක යුද්ධය පවත්වා ගැනීමට වැය කළ පිරිවැය ඩොලර් බිලියන ගණනක් විය හැකිය.
