ඉරාකය තුළ සිදුකෙරෙන චීන බලපෑම් ආර්ථික මෙන්ම සමාජිය අංශ ද ඉලක්ක කරගෙන පුලුල් වපසරියක් තුළ වේගයෙන් ව්යාප්ත වෙමින් ඇතැයි අනාවරණය වේ.
ප්රතිපත්ති පර්යේෂණ සමූහයේ (POREG) විසින් නිකුත් කළ වාර්තාවකට අනුව එක් මාවතක් එක් තීරයක් වැඩසටහන යටතේ චීනය මේ වන විට ඉරාකයෙහි ඇමරිකානු ඩොලර් බිලියන 10.5 ක ආයෝජනයන් සිදුකර තිබේ.
එහිදී බලශක්ති සහ යටිතල පහසුකම් ව්යාප්ති සදහා චීනය විසින් වැඩි අවධානයක් යොමු කර ඇති බව ද අදාළ වාර්තාවේ දැක්වේ.
ඒ අතරවාරයේ චීනය විසින් ඉරාකය තුළ සිය සංස්කෘතිය සහ භාෂාව ප්රචලිත කිරීමේ වැඩසටහන් ද දියත් කර ඇති අතර ඒ යටතේ අලුතින් පාසල් 1000ක් ඉදිකිරීම අරඹා තිබේ.
ඉරාකයේ විශ්වවිද්යාලවල සහ පාසල්වල චීන භාෂා සහ සංස්කෘතික පුහුණු මධ්යස්ථාන විවෘත කිරීමේ වැඩසටහනක් ද මේ යටතේ ක්රියාවට නංවා ඇති බව පැවසේ.
මේ අතර, චීනයට තෙල් අපනයනය කරන තුන්වන විශාලතම රට ඉරාකය බවට පත්ව ඇති අතර මෙය මැද පෙරදිග බලශක්තිය සඳහා බීජිං හි වැඩෙන රුචිය සහ ගල්ෆ් රාජ්යයන් සමඟ වෙළඳාම වැඩි කිරීමේ චීන අපේක්ෂාවන්හි එක් මුහුණුවරක් බව විදෙස් විචාරකයෝ පවසති.
