දින 11ක් තිස්සේ ආ ගිය තොරතුරක් නැතිව තිබූ ව්යාධි ජනක ක්ෂුද්රජීවීන් අඩංගු චීන පොහොර තොගය සහිත HIPPO SPIRIT නෞකාව අද සිය චන්ද්රිකා දත්ත පද්ධතිය සක්රීය කර තිබේ.
චන්ද්රිකා තාක්ෂණය ඔස්සේ නාවුක ගමනාගමනය පිළිබඳ තොරතුරු දක්වන AIS දත්ත පද්ධතිය හා එම නෞකාව අද සම්බන්ධවන්නේ දින 11කින් පසුවය.
ලංකාවෙන් පොහොර තොගය ප්රතික්ෂේප වූ බව දැනුම්වත් කළ පසු සිංගප්පූරුව ආසන්නයේ දී නැවේ දත්ත පද්ධතිය අක්රීය කර තිබිණි.
ඒ අනුව නෞකාව හඳුනාගැනීම පිළිබඳ කිසිම තොරතුරක් නොතිබුණු බව ශ්රී ලංකාවේ ප්රධාන නෞකාධිපතිවරයා මාධ්යයට පවසා තිබිණි.
කෙසේ වෙතත් නෞකාවට කිසිම වරායකට ඇතුළු වීමට ඉඩ නොදෙන බව ප්රධාන නෞකාධිපතිවරයා විසින් ප්රකාශ කර ඇත.
චන්ද්රිකා දත්ත මත පදනම්ව නාවික ගමනාගමනය දක්වන වෙබ් අඩවි කියන්නේ අද කොළඹ වරායට ඇතුළුවීම සඳහා නෞකාව නොට් 13ක වේගයෙන් ධාවනය වෙමින් ඇති බවය.
එහෙත් නෞකාව ශ්රී ලංකාවේ දකුණු මුහුදේ නාවික සැතපුම් 12ක් දුරින් නවත්වා ඇති බව නාවික ක්ෂේත්රයේ ආරංචි මාර්ග හෙළි කළේය.
