අග්‍රමාත්‍ය නරේන්ද්‍ර සිං මෝදි මහතා හා චීන ජනාධිපති ෂී ජින්පින් මහතා අතර දකුණු අප්‍රිකාවේදී පැවැත්වීමට නියමිත හමුවට පෙරාතුව , ඉන්දීය හා චීන හමුදා අතර දැනට පවතින අර්බුද විසඳා ගැනීම සඳහා නැගෙනහිර ලඩාක් හි දී Daulat Beg Oldie හා Chushul යන ස්ථානවලදී මේජර් ජෙනරාල් මට්ටමේ සාකච්ඡා පවත්වයි.
ඉන්දීය පාර්ශවයන්, ත්‍රිශූල් සේනාංකාධිපති මේජර් ජෙනරාල් පීකේ මිශ්‍රා හා නිල ඇඳුම් බලකායේ අණදෙන නිළධාරී මේජර් ජෙනරාල් හරිහරන් සමඟ ස්ථාන දෙකකදී සාකච්ඡා පවත්වන බව ආරක්ෂක ආරංචිමාර්ග ‘ඒඑන්අයි’ වෙත පවසා තිබේ.
මෙහිදී, ඩෙප්සාං තැනිතලාවේ මුර සංචාර නැවත ආරම්භ කිරීම හා සීඑන්එන් හන්දියේ චීන හමුදා රැඳී සිටීමේ ගැටලුව ඇතුළු කරුණු සම්බන්ධයෙන් ඉන්දීය අග්‍රාමාත්‍යවරයා හා දකුණු අප්‍රිකානු ජනාධිපතිවරයා සාකච්ඡා කරයි. මෙම සාකච්ඡා මේජර් ජෙනරාල් මට්ටමින් ඉදිරියට ගියහොත් එහි අවසන් ප්‍රතිඵල ලබා ගැනීම සඳහා දෙපාර්ශවය තවත් බලකා අණදෙන නිලධාරී මට්ටමේ සාකච්ඡා වටයක් ද පැවැත්වීමට ඉඩ තිබෙන බව ආරංචි මාර්ග වාර්තා කර ඇත.
දකුණු අප්‍රිකානු ජනාධිපති මතමෙලා සිරිල් රමෆෝසාගේ ආරාධනයකට අනුව 15 වැනි බ්‍රික්ස් සමුළුවට සහභාගී වීම සඳහා ඉන්දීය අග්‍රාමාත්‍ය නරේන්ද්‍ර සිං මෝදි මහතා අගෝස්තු 22 – 24 දක්වා තෙදින නිල සංචාරයක් සඳහා දකුණු අප්‍රිකාවේ ජොහැන්නස්බර්ග් වෙත පැමිණීමට නියමිතය.
