ඉන්දියානු සාගරය ආශ්රිත පර්යේෂණ ඇතුළත් ජත්යන්තර ඉතිහාස සමුළුවේ තුන්වන සැසිවාරය අද (22) පේරාදෙණිය විශ්වවිද්යාලයේ දී ජත්යන්තර මට්ටමින් පිළිගැනීමට ලක් වූ මහාචාර්යවරු 50 දෙනෙකුගේ සහභාගිත්වයෙන් ආරම්භ කෙරේ.
මෙවැනි ජත්යන්තර මට්ටමේ ඉතිහාස සමුළුවක් පේරාදෙණිය විශ්වවිද්යාලයේ ඉතිහාස අධ්යයන අංශය මගින් සංවිධානය කරනු ලබන්නේ වසර 22 කට පසුව බවත් මෙමගින් ඉන්දු ශ්රී ලංකා සම්බන්ධතා තව තවත් ඉහළ මට්ටමකට ගෙන ඒම මෙන්ම මෙරට සංචාරක ව්යාපාරයේ ප්රගමනයට ධනාත්මක බලපෑමක් ලැබෙන බවත් පේරාදෙණිය විශ්වවිද්යාලයේ ඉතිහාස අධ්යයන අංශයේ අංශාධිපති මහාචාර්ය රෝහිත දසානායක පවසයි.
සමුළුවේ ප්රධාන දේශනය ජත්යන්තර පිළිගැනීමට ලක්වූ මහාචාර්ය ඔස්මන් බෝපෙආරච්චි විසින් සිදු කිරීමට නියමිතය.
ඉන්දියාවේ පුදුචේරි (Puducherry) ජත්යන්තර ඉතිහාස සමුළුවේ තුන්වන සැසිවාරය ලෙස මෙම සමුළුව අද(22) පේරාදෙණිය විශ්වවිද්යාලයේ දී ආරම්භ කෙරේ.
මෙම සමුළුවේ පළමු සැසිවාරය මෙයට දෙවසරකට පෙර ඉන්දියාවේ පුදුචේරි හිදීත් දෙවන සැසිවාරය හයිද්රාබාත් හිදීත් පවත්වා තිබේ.
පේරාදෙණිය විශ්වවිද්යාලයේ ඉතිහාස අධ්යයන අංශයේ මූලීකත්වයෙන් ශ්රාස්ත්ර පීඨයේ දී තුන්වන සැසිවාරයේ සමාරම්භක උත්සවය අද 22 දා පැවැත්වෙන්නේ රාජ්ය පරිපාලන අමාත්ය මහාචාර්ය චන්දන අබේරත්නගේ ප්රධානත්වයෙනි.
පේරාදෙණිය විශ්වවිද්යාලයේ උපකුලපති මහාචාර්ය ටෙරන්ස් මදුජිත් හා ශාස්ත්ර පීඨයේ පීඨාධිපති ආචාර්ය ප්රභාත් ඒකනායකගේ මග පෙන්වීම යටතේ සංවිධානය කෙරෙන මෙම සමුළුවේ දී ඉතිහාස විෂය හා සම්බන්ධ නූතන ආර්ථික, දේශපාලනික හා සංස්කෘතික ප්රවර්ධනයට බොහෝ සෙයින් ඉවහල්වන පර්යේෂණ පත්රකා 100 ක් පමණ ඉදිරිපත් කිරීමට නියමිතය.
සමුළුවේ සභාපති ලෙස මහාචාර්ය රමණි හෙට්ටිආරච්චි ද සම්බන්ධීකාරක ලෙස ඉතිහාස අධ්යයන අංශයේ ජ්යෙෂ්ඨ කථිකාචාර්ය මදුරාවල සෝභිත හිමියන් ද කටයුතු කරති.
