චීනය, රුසියාව, උතුරු කොරියාව සහ ඉරානය විසින් එක්සත් ජනපදයට එරෙහිව එල්ල කරන තර්ජන පිළිබඳව එක්සත් ජනපදයේ ජාතික බුද්ධි අධ්‍යක්ෂ කාර්යාලය අනතුරු ඇඟවා තිබේ. ඉන්දියාවේ ඒ එන් අයි ප්‍රවෘත්ති ඒජන්සියට අනුව එක්සත් ජනපද බුද්ධි ඒජන්සිය විසින් ඉකුත් බාදාදා නිකුත් කළ 2023 වාර්ෂික තර්ජන තක්සේරු වාර්තාව මගින් මේබව අනාවරණය කර ඇත.
එක්සත් ජනපදය “සංකීර්ණ” ආරක්ෂක පරිසරයකට මුහුණ දෙනු ඇතැයි අපේක්ෂා කරන අතර “විවේචනාත්මක” උපායමාර්ගික අභියෝග දෙකකට මුහුණ දීමට කටයුතු කිරීමට අවශ්‍ය වනු ඇති බවත් චීනය වැනි නැගී එන බලවතුන්, ගෝලීය බලතුලනයේ ආධිපත්‍යය සොයන බව එක්සත් ජනපද බුද්ධි ප්‍රජාව සිය වාර්තාවේ තක්සේරු කර තිබේ.
“මෙම උපායමාර්ගික අභියෝග දෙක අනපේක්ෂිත ආකාරයෙන් අපගේ හැකියාවට අභියෝග කිරීමේ හැකියාව පවතනවා. නමුත් එය රාජ්‍ය නොවන ක්‍රියාකාරීන් ඇතුළු මිත්‍ර පාක්ෂිකයින් සහ හවුල්කරුවන් සමඟ සාමූහික ක්‍රියාමාර්ග ගැනීමට නව අවස්ථා හඳුන්වා දෙනු ඇත.” යනුවෙන්ද වාර්තාවේ සඳහන් වේ.
චීනය සම්බන්ධයෙන්, එක්සත් ජනපද ඔත්තු සේවා ප්‍රජාව පැවසුවේ, චීන කොමියුනිස්ට් පක්ෂය චීනය “නැගෙනහිර ආසියාවේ ප්‍රමුඛ බලවතා සහ ලෝකයේ ප්‍රධාන බලවතෙකු” බවට පත් කිරීමට දරන උත්සාහය දිගටම කරගෙන යනු ඇති බවයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ අතර ඒ එන් අයි පුවත් සේවය වාර්තා කර සිටියේ චීන ජනාධිපති ෂී ජින්පින් සිය තුන්වන ධූර කාලය තුළ තායිවානය එක්සත් කිරීම සඳහා බලපෑම් කිරීමට කටයුතු කරනු ඇති බවත්, “වොෂින්ටනය සහ එහි හවුල්කරුවන් සමඟ යම් ගැටීමක් ඇති කර ගැනීමට උත්සහ කරනු ඇති බවට අපෙක්ෂා කරන බවටද අදාල වාර්තාවෙන් අනාවරණය කර තිබූ බවයි.