කීර්ති ප්රනාන්දු – මිනුවන්ගොඩ –
කොවිඩ් ආසාදිතයන් වාර්තා වීම නිසා බෝඩිං කාමර තුළම නිරෝධායනය කර ඇති ඇඟළුම් කර්මාන්ත ශාලාවල සේවිකාවන් කෙළවරක් නොමැති දීර්ඝ නිරෝධායන ක්රිියාවලියකට ලක්ව ඇති බවත් ඔවුන් ආහාර ඇතුළු මූලික පහසුකම්වලින් තොරව දැඩි පීඩාකාරී ජීවිතයක් ගත කරමින් සිටින බවත් ප්රාදේශීය සෞඛ්ය අංශ පවසයි.
මේ සම්බන්ධව කළ විමසීමක දී කටාන පරිපාලන මහජන සෞඛ්ය නිලධාරීවරයා පැවසුවේ එම තත්වය සමාජයීය වශයෙන් සංකීර්ණ පවතින බවය.
“ මෙය වැඩි වශයෙන්ම බලපෑම් කරලා තියෙන්නෙ සමූහ වශයෙන් නවාතැන් ගෙන ඇති නවාතැන් පලවල. සමහර නවාතැන්වල පනහක් හැටක් ජීවත් වෙනවා. ඔවුන්ගෙන් එක් අයෙක් කොරෝනා ආසාදිතයෙක් වූ පසු සමූහයම දින 14ක් අනිවාර්ය නිරෝධායනයකට ලක් කරනවා. ඒ දින දා හතර ඇතුළත තව කෙනෙක් අසාදිත වුනොත් නැවතත් එදින සිට දින 14ක් නිරෝධායනය කරනවා. මේ ආකාරයට මාස ගණන් නිරෝධායනයට ලක් වී සිටින කාන්තාවන් සහිත නවාතැන් පළ ගැන වාර්තා වෙමින් තියනවා..“ ඔහු පෙන්වා දුන්නේය.
නිරෝධායනය වෙමින් සිටින එවැනි ස්ථානවල පුද්ගල ඒකක ලෙස සලකා රුපියල් දෙදහසකට ආසන්න වියලි ආහාර ද්රව්ය ප්රමාණයක් ලබා දුන්නත් එය ප්රමාණවත් නොවන ආකාරයත්, මේ පිරිස් සමහර අවස්ථාවල ආහාර හිඟය නිසා ඉතාම අපහසු තාවයට පත් වී ඇති ආකාරයත් වාර්තා වෙමින් තිබේ.
