ආසන්න සති තුනක කාලය තුළ සිදුවූ 14 වැනි වෙඩි තැබීම අද (23) දහවල් වාර්තා වී ඇත. ඒ යක්කල කොස්කඳවපල ප්රදේශයේ දී ය.
යක්කල, කොස්කඳවල ප්රදේශයේදී යතුරුපැදියකින් පැමිණි නාදුනන පුද්ගලයන් දෙදෙනකු විසින් පුද්ගලයකුට වෙඩි තබා පලාගොස් ඇති බව වීරගුල පොලිසිය පවසයි.
වෙඩි වැදීමෙන් පසුව බරපතළ තුවාල ලබා පාරේ වැටී සිටි පුද්ගලයා ගම්පහ මහ රෝහලට ඇතුළත් කර ඇති අතර ඔහුගේ තත්ත්වය බරපතල බව රෝහල් ආරංචි මාර්ග කියයි.
ඉලක්ක වූ පුද්ගලයාට විනෝද චාරිකාවක් යෑම සඳහා පැමිණෙන ලෙස දුරකථනයෙන් ඇමතුමක් ලබා දුන් පුද්ගලයෙක් විසින් ඔහුව යක්කල කොස්කදවල ප්රදේශයට ගෙන්වාගෙන ඇති බව ලංකාදීප වාර්තා කරයි. මෙම තැනැත්තා වෙඩි ප්රහාරයට ලක් වන්නේ බස්රථයෙන් බැස යන විටය.
වීරගුල පොලිසියේ නිලධාරීන් කණ්ඩායමක් සහ ස්ථානීය පරීක්ෂණ නිලධාරීහු කණ්ඩායමක් එම ස්ථානයට පැමිණ ස්ථානීය පරීක්ෂණ සිදුකළහ.
වීරගුල පොලිසිය වැඩිදුර විමර්ශන සිදුකරයි.
හිස ඔසවමින් ඇති අපරාධ රැල්ල පාලනය කිරීමට නොහැකි වීම සම්බන්ධව මේ වනවිට මහජන ආරක්ෂක අමාත්යාංශය වෙත ද අප්රසාදය පලවීමට පටන්ගෙන ඇති ආකාරය නිරීක්ෂණය වේ.
