විනය විරෝධී හැසිරීමක් හේතුවෙන් 20 හැවිරිදි පැරගුවේ පිහිනුම් ක්රීඩිකා ලුවානා ඇලොන්සෝ ඔලිම්පික් ගම්මාන පරිශ්රයෙන් ඉවත් කර තිබේ.
දැනට පැවැත්වෙන ප්රධාන ඉසව්වේ දී ඇය මීටර් 100 සමනල ආර කාන්තා අවසන් පූර්ව තරගයට සුදුසුකම් ලැබීමට ද අසමත් වූවාය. ඇයට සුදුසුකම් ලැබීමේ කාලය අනුව තත්පර 0.24 ක පරතරයකින් අවසන් පුර්ව වටයෙන් ඉවත් වී තිබිණි.
පැරගුවේ ඔලිම්පික් කමිටු ප්රධානී ලැරිසා ෂෙරර් විසින් නිකුත් කරන ලද නිවේදනයක දැක්වෙන්නේ ඇයගේ පැමිණීම පැරගුවේ කණ්ඩායම තුළ පීඩාකාරී වාතාවරණයක් නිර්මාණය කළ බවය. “ඇය ක්රීඩක ක්රීඩිකාවන්ගේ ගම්මානයේ රාත්රිය ගත නොකළේ ඇයගේ කැමැත්ත මතයි. ඇයගේ හැසිරීම රටේ ඔලිම්පික් නායකත්වය කැළඹීමට හේතු වී ඇත”. ලැරිසා ෂෙරර්ගේ නිවේදනයේ දැක්වේ.
ලුආනා අලොන්සෝ යනු කවුද?
ලුආනා අලොන්සෝ වර්ෂ 2004 සැප්තැම්බර් 19 වන දින පැරගුවේ හි උපත ලැබූවාය. ඇය පැරගුවේ ජාතික පිහිණුම් ශූරියකි. ඇයගේ විශේෂඥතාවය සමනල ආර ඉසව්ව ය. මීටර් 100 සමනල ආර අංශයේ පැරගුවේ ජාතික වාර්තාවට හිමිකම් කියන්නී ඇය ය.
මේ වනවිට ඇය සරසවි සිසුවියකි. ඇය දැනට ඩලස් හි දකුණු මෙතෝදිස්ත විශ්වවිද්යාලයේ අධ්යාපනය ලබන්නීය. ඇයට යන්තම් වයස අවුරුදු 17 දී 2020 ටෝකියෝ ඔලිම්පික් උළෙලට ඇය එක් වුනාය. මේ රූමත් පැරගුවේ ක්රීඩිකාව එදා ලෝකය මත් කළ දසුනක් වූවාය. ක්රීඩා මාධ්යය ඇයගේ මනරම් රුව විවිධ ඉරියව්වලින් කැමරාවට ග්රහණය කරගෙන තිබිණි. කෙසේ වෙතත් ඇය ලෝක ශ්රේණිගත කිරීම්වල 28 වැනි ස්ථානය ලැබුවාය. ලුආනාට ටෝකියෝ ඔලිම්පික් උළෙලේ අවසන් පූර්ව වටයට සුදුසුකම් ලබා ගැනීමට නොහැකි විය.
පැරිස් ඔලිම්පික් තරඟාවලිය ඇයගේ දෙවන ඔලිම්පික් සහභාගිත්ව විය. මෙහිදීත් ඇය හයවන ස්ථානයට පත්වීමෙන් පසුව අවසන් පූර්ව වටයෙන් ඉවතට විසිවිය. මෙම තරඟාවලියට පෙර ඇය යොවුන් ඔලිම්පික් ක්රීඩා, දකුණු ඇමරිකානු ක්රීඩා සහ ලෝක ශූරතා තරඟාවලියට ද සහභාගී වී තිබේ.
ඩේලි මේල් වාර්තාවට අනුව, ඇය අශීලාචාර ඇඳුම් පැළඳුම් සහ අනෙකුත් ක්රීඩක ක්රීඩිකාවන් සමඟ කටයුතු කරන ආකාරයේ ඇති වියවුල්කාරී ස්වරූපය නිසා ඇය අනෙකුත් තරඟකරුවන්ට බාධාවක් වී ඇත. ලුආනා ඉන්ස්ටග්රෑම් හි අනුගාමිකයන් 8,90,000 කට වඩා සිටින ජනකාන්ත චරිතයකි. ඇය සිය ඉන්ස්ටර්ග්රෑම් ගිනුමේ ප්රකාශ කළේ ඇයට එරෙහිව කරන ලද මෙම සියලු ප්රකාශ ප්රතික්ෂේප කරන බවය.
“මට පැහැදිලි කිරීමට අවශ්ය වූයේ මා කිසි විටෙක කිසි විවෙකු විසින්වත් පන්නා නොදැමීම හෝ කිසිම තැනක සිට නෙරපා හැරීමක් සිදු නොකළ බවයි…, කරුණාකර අසත්ය තොරතුරු ප්රචාරය කිරීම නවත්වන්න. මට කිසිම ප්රකාශයක් කිරීමට අවශ්ය නැත, නමුත් මම බොරුවලට මට බලපෑම් කිරීමට ඉඩ දෙන්නෙ නෑ..” ඇය එම ප්රකාශයේ සඳහන් කර ඇත.
“මේ මගේ අවසාන තරඟය යි. මම පිහිනුම් ක්රීඩාවෙන් සමුගන්නවා.” ලුආනා කීවාය.
