ශිෂ්ට සම්පන්න සමාජයක් උදෙසා ස්වාධීන අධිකරණයක පැවැත්ම ආරක්ෂා කරගැනීම සෑම පුරවැසියෙකුගේම අත්හල නොහැකි සාමුහික වගකීමක්ව තිබිය දී රටේ අධිකරණ ඇමතිවරයාම රටේ අධිකරණ පද්ධතිය පිළිබඳ ජනතා විශ්වාසය බිඳ දමන පුද්ගලයෙක් බවට පත්වීම රටේ බරපතල ව්යසනයක් නිර්මාණය කිරීමේ පෙර ලකුණක් පහළ කර ඇතැයි ශ්රී ලංකා අධිකරණ සේවා සංගමය නිවේදනයක් නිකුත් කරමින් සඳහන් කරයි.
පසුගිය 19 වැනිදා පාර්ලිමේන්තු විවාදයක් අතරතුර අධිකරණ අමාත්ය විජයදාස රාජපක්ෂ විසින් පාර්ලිමේන්තුව තුළ පාර්ලිමේන්තු වරප්රසාද යටතේ වගකීම් විරහිතව අධිකරණ පද්ධතියම නිර්දය ලෙස විවේචනයට ලක් කළ ආකාරය මුලුමනින්ම හෙළා දැක ඇති එම නිවේදනයෙන් අධිකරණ සේවා සංගමය පෙන්වා දෙන්නේ අධිකරණ ඇමතිවරයා ගේ දේශපාලන පැවැත්ම අභියෝගයට ලක් කරන නඩුකරයන්වල දී අදාල අධිකරණයන් විසින් නීතියට අනුකූලව නිකුත් කරන ලද තීන්දු හා නියෝගවලින් අතෘප්තිමත් වීම නිසා සැලසුම් සහගතව ඔහු මෙම විනාශය සිදුකර ඇති බවය.
අපක්ෂපාතී විනිශ්චකාරවරුන් අපකීර්තියට පත් කිරීම සඳහා වූ නිශ්චිත ඉලක්කගත ව්යාපෘතියක් කොටස් වශයෙන් දිගහැරෙමින් ඇති බව අධිකරණ සේවා සංගමය අවධාරණය කරයි.
දිසා සහ මහේස්ත්රාත් අධිකරණයේ මහේස්ත්රාත්වරුන්ගෙන් සමන්විත මෙම සංගමය අදාල නිවේදනයේ දක්වන්නේ අධිකරණ පද්ධතියට එල්ල වන බාහිර බලපෑම් වළක්වා එහි යහපත්ම උදෙසා වැදගත් තීරණයන් ගනු ලැබූ විනිශ්චකාරවරුන් ස්ථාන මාරුවී ගිය පසු, ඔවුන්ගේ රාජකාරි ජීවිතය ව්යසනයට ලක් කිරිමේ මඩ ප්රහාර එල්ල කිරීම සැලසුම් සහගතව සිදුවන බවය.
අධිකරණය වෙත ද්වේශ සහගත ලෙස විවේචන එල්ල කිරීම ප්රජාතන්ත්රවාදී සමාජයක් සඳහා අත්යවශ්ය පදනමක් වන අධිකරණයේ ස්වාධීනත්වය ප්රසිද්ධියේ අභියෝගයට ලක් කිරීමක් ලෙස දකින බවත් වත්මන් අධිකරණ ඇමතිවරයා වගකීම් විරහිත ප්රකාශවල අවසානය බලවත් ව්යසනයක් නිර්මාණය කරනු ඇති බවත් විනිශ්චකාරවරුන් නිකුත් කළ නිවේදනය සඳහන්වේ.
එම නිවේදනය පහත දැක්වේ.
