වසර 10ක සේවා කාලයක් සැපිරූ ගුරුවරුන් නාලන්දා විද්යාලයේ සේවය කරන බවට වාර්තා වුන තොරතුරු අනුව ලංකාසර වාර්තා කළ ප්රවෘත්තිය ප්රතික්ෂේ කරමින් නාලන්දා විද්යාලයේ ගුරුවරු විදුහල්පති සහ ආදිශිෂ්යයින් නමින් ඊ මේල් පණිවිඩයක් ලැබී තිබේ.
එම ඊ මේල් පණිවිඩය මෙසේය.
“නාලන්දා විද්යාලයට අලුත් නීතියක්ද?….. අවුරුදු 10 කට වැඩි සේවා කාලයක් සහිත ගුරුවරු මාරු කරලා අනුප්රාප්තිකයෝ එව්වත් මාරු කල ගුරුවරු යන්නෑ …” යන ශීර්ෂය යටතේ ඔබගේ වෙබ් අඩවිය තුළ පළකර ඇති ලිපිය සාවද්ය බව දැනුම් දෙමු.
- දැනට, වසර 10 ක සේවා කාලය සපුරූ ගුරුවරුන්ගේ ස්ථාන මාරු අධ්යාපන අමාත්යාංශයේ නීති සහ උපදෙස් අනුව සිදුවේ.
- එබැවින්, ඔබගේ වෙබ් අඩවියෙහි පළකර ඇති මෙම ලිපිය අසත්ය සහ සාවද්ය පුවතක් බව අවධාරණය කරමින්, එය කඩිනමින් ඉවත් කරගන්නා ලෙස කාරුණිකව ඉල්ලා සිටිමු.
- එමෙන්ම, මෙම අසත්ය පුවත පිළිබඳව ඔබ ආයතනය විදුහල්පතිතුමාගෙන්, ගුරු මණ්ඩලයගෙන් සහ ආදි ශිෂ්ය සංගමයෙන් සමාව ලබා ගත යුතු බවත් සිහි කැදවමු.
- මෙම විද්යාලයේ වසර 10 කට වැඩි සේවා කාලයක් සහිත ගුරුවරුන් රඳවා නොගන්නා අතර, එහෙත් වෙනත් කොළඹ පාසල් කිහිපයක එවන් අවස්ථා පැවතිය හැකි බවත් මතක් කරමු.
- එබැවින්, මෙම පුවත කඩිනමින් ඉවත් නොකළහොත්, එයට අදාළව ප්රවෘත්ති ප්රකාශන මණ්ඩලය හරහා අවශ්ය නීතිමය කටයුතු කඩිනමින් ගනු ලබන බව දන්වා සිටිමු.
මෙම ඊ මේල් පණිවිඩය එවීමෙන් අනතුරුව ලංකාසරට කතාකළ නාලන්දා විදුහල්පති මෙම පුවත සම්බන්ධව දැඩි අවේගකාරී, තර්ජනාත්මක මෙන්ම විවේචනාත්මක කරුණු දැක්වීමක් ද කරනු ලැබුවේය.
නාලන්ද විද්යාලයේ විදුහල්පති ප්රකාශ කළේ අවුරුදු 10ක සේවා කාලයක් සැපිරූ එකම ගුරුවරයෙක්වත් අනීතිකව සිය පාසලේ නැති බවත්, අධ්යාපන ලේකම්වරයාගේ අවසරය මත අවුරුදු 10 ඉක්මවූ එක් ගුරුවරයෙක් සිය දරුවා පාසලට ඇතුළත් කරගැනීමේ පදනම මත සේවය කරන බවත්ය.
හැකිනම් එසේ සිටිනා ගුරුවරයා සම්බන්ධව සාක්ෂි ඉදිරිපත් කරන ලෙසට අභියෝගයක් ද කළේය.
ලංකාසර වාර්තා කළ පුවත මුළුමනින්ම ප්රතික්ෂේප කරන බවය. කොළඹ වෙනත් පාසල්වල ගුරුවරුන් මේ ආකාරයෙන් රඳවා තබාගෙන සිටිය දී ඒ සම්බන්ධව හෙළි නොකර කිසිම වරදක් නැති සිය පාසල සම්බන්ධව චෝදනා කිරීම සාපරාධී ක්රියාවක් බවය.
