ලලිත් චාමින්ද –
මෙරට අවදානම් දිස්ත්රික්ක 14ක ස්ථාපිත කොට ඇති ස්වයංක්රිය වර්ෂාමාන 330 අතුරින් ඉකුත් වර්ෂයේ 2023 අගෝස්තු මාසය වන විට වර්ෂාමාන 109ක් අක්රියව පවතින බව ජාතික විගණන කාර්යාලය පවසයි.
වර්ෂාමාන ක්රියාවිරහිතවීම හේතුවෙන් නායයාම පිළිබඳ අනතුරු ඇඟවීම කල්තියා හඳුනාගැනීමට නොහැකි තත්වයක් උදාවී ඇති බව ද විගණනය මගින් අනාවරණය කොට ඇත.
මෙකී වර්ෂාමාන නඩත්තු කිරීමේ කටයුතු ජාතික ගොඩනැගිලි පර්යේෂණ සංවිධානයේ ප්රධාන කාර්යාලයේ නිලධාරින් විසින් සිදුකරණ අතර සීමිත නිලධාරින් සංඛ්යාවක් සිටීම නිසා දිස්ත්රික්ක 14ක ස්ථාපිත කොට තිබු වර්ෂාමාන පද්ධති නඩත්තු කිරීමේ ගැටලු පවතින බව ද විගණන වාර්තාවේ සඳහන් වේ.
ස්වයංක්රිය වර්ෂාමානවල අභ්යයන්තර උපාංග නිසි ලෙස නඩත්තු නොකිරීම නිසා මෙකී වර්ෂාමාන නිරන්තරයෙන් අක්රීයවිමට බලපා තිබුණි. එමෙන්ම ස්වයංක්රිය වර්ෂාමාන පද්ධතිවල දත්ත සම්ප්රේෂණයට සිදුවන අවහිරතාවන්ද නිවැරදි පුර්ව නායයෑම් අනතුරු ඇගවීමේ නිවේදන නිකුත් කිරීම කෙරෙහි බලපැම් ඇතිකොට තිබු බවද විගණනය මගින් අනාවරණය කොට තිබුණි.
වර්ෂාමාන පද්ධති 330ක් පැවතියද ජාතික ගොඩනැගිලි පර්යේෂණ සංවිධානයේ නායයාම් පර්යේෂණ හා අවදානම් කළමණාකරණ අංශය විසින් ආපදා කළමණාකරණ මධ්යස්ථානයේ හදිසි මෙහෙයුම් මධ්යස්ථානය හා සම්බන්දකර තිබුණේ ස්වයංක්රිය වර්ෂාමාන පද්ධති 251 කින් ලැබෙන දත්ත පමණක් බවද විගණන වාර්තාවේ සඳහන් වේ.
