බලපත්ර නොමැතිව අලියෙකු සන්තකයේ තබා ගැනීමේ චෝදනා දෙකකට වරදකරු කළ සමරප්පුලිගේ නිරාජ් රොෂාන් හෙවත් අලි රොෂාන් නමැත්තාට බරපතළ වැඩසහිත වසර 15ක සිරදඬුවම් ලබාදීමට කොළඹ ත්රිපුද්ගල මහාධිකරණ විනිසුරු මඩුල්ල අද ( 19) නියෝග කළේය.
මංජුල තිලකරත්න, ලංකා ජයරත්න සහ ආර්.එස්.එස්. සපුවිද යන විනිසුරුවරුන්ගෙන් සමන්විත ත්රිපුද්ගල විනිසුරු මඩුල්ලක් විසින් මෙම තීන්දුව ප්රකාශයට පත් කරන ලදී.
මෙම සිර දඬුවමට අමතරව රුපියල් මිලියන 20.6 ක දඩයක් අලි රොෂාන්ට නියම කළ අධිකරණය අදාළ අලියා රජයේ භාරයට ගන්නා ලෙස ද නියෝග කළේය.
දණ්ඩ නීති සංග්රහය සහ පොදු දේපළ පනත යටතේ නීතිපතිවරයා විසින් මෙම නඩුව ගොනු කර තිබිණි. වනජීවී දෙපාර්තමේන්තුවේ අලි ලේඛනයේ ඇතුළත් කිරීම් ව්යාජ ලෙස සකස් කිරීමෙන් රොෂාන් සහ තවත් තිදෙනෙකු නීති විරෝධී ලෙස අලි පස් දෙනෙකු සන්තකයේ තබා ගැනීමට සහ ප්රවාහනය කිරීමට කුමන්ත්රණය කළ බවට ද චෝදනා එල්ල වී තිබිණි.
මෙම වැරදි 2009 සහ 2015 අතර මහරගම, ඇරැව්වල, නාවල, බත්තරමුල්ල සහ ඔරුවල ඇතුළු ප්රදේශවල සිදු වූ බව කියනු ලැබේ.
ගොනු කර තිබූ චෝදනා 33 න් දෙකකට රොෂාන් වැරදිකරු බව අධිකරණය තීන්දු කළ අතර, අනෙක් විත්තිකරුවන් තිදෙනා සාධාරණ සැකයෙන් ඔබ්බට සාක්ෂි නොමැතිකම හේතුවෙන් නිදොස් කොට නිදහස් කරන ලදී.
