මනම්පිටිය නිමල් ජයරත්න –
පසුගිය ආණ්ඩු ඡන්ද ව්යාපෘති වෙනුවෙන් රටපුරා නිවාස 47,000 කට මුල් ගල්තබා එම වැඩ කටයුතු අතරමග නවතා ඇති නිවාස සංවර්ධන නියෝජ්ය අමාත්යය ටී.බී සරත් සඳහන් කළේය.
මැතිවරණ ජයග්රහණ ඉලක්ක කරගනිමින් නිවාස අනූහය දාහක් දක්වා ප්රමාණයකට තහඩු, සිමෙන්ති, බෙදා ඇති බව කී ඇමතිවරයා මේ සියලු දේ සිදුකර තිබුණේ නිශ්චිත සැලසුමකට නොව ඡන්දය ලබා ගැනීම සඳහා අල්ලස් ලබා දීමක් ලෙස බව ද ඔහු කීවේය.
ඔහු මේ බව සඳහන් කළේ අද (15) දිඹුලාගල ප්රදේශයේ අඩු ආදායම්ලාභී පවුල් හතක් වෙනුවෙන් ස්ථිර නිවාස ඉදිකිරීමේ වැඩසටහනකට එක් එක්වීමෙන් අනතුරුව මාධ්ය වෙත අදහස් දක්වමිනි.
එහිදී අදහස් දැක්වූ නියෝජ්ය ඇමතිවරයා වැඩිදුරත් කීවේ අරගල වකවානුවේදී නිවාස ගිනිගෙන විනාශ වී ඇති බව පවසා වන්දි සහ නිවාස ලබාගෙන රටේ මහජන ධනය විනාශ කළ සෑම මහජන නියෝජිතයෙකුටම උළු ගෙදර විවෘත කරන බවය.
පසුගිය ආණ්ඩු සිදුකර ඇත්තේ නිවාස තිබෙන අයටම නිවාස ඉදිකර දීම වුව ද ජාතික ජන බලවේග ආණ්ඩුව ක්රියාත්මක කරන්නේ නිවාස ලබා දීමට සුදුසු මට්ටමේ පවුල් සිටීනම් පරීක්ෂණයකින් පසු ඔවුන් වෙනුවෙන් එම නිවාස ඉදිකිරීමට කටයුතු කිරීම බව ද නියෝජ්ය ඇමතිවරයා කීවේය.
තම රජය යටතේ රට පුරා සෑම ග්රාම සේවා වසමකටම අඩුම තරමේ අඩු ආදායම්ලාභී පවුල් දෙකක් සඳහා නිවාස දෙකක් ඉදිකිරීමට මුදල් වෙන් කර තිබෙන බව ඔහු කීවේය. එවැනි අඩු ආදායම්ලාභී පවුල් සඳහා නිවාස තුන්දාහක් ඉදි කිරීමට සැලසුම් කර තිබෙන බවද ඔහු සඳහන් කළේය.
නිවාස ණය වැඩසටහන සහ සෙවන අරමුදල යටතේ තවත් නිවාස හයදාහක් ඉදිකිරීමට කටයුතු කරන බවද නියෝජ්ය ඇමතිවරයා මෙහිදී පැවසීය.
