අපට පාරවල් හදන්න පුලුවන්. පාලම් හදන්න පුලුවන්. මහා භෞතික සංවර්ධනයන් කරන්න පුලුවන්. හැබැයි ඒ මහා ගොඩනැගිල්ලෙන් දරුවො පැනලා මැරෙනවා නම් ඒ ගොඩනැගිල්ලෙන් ඇති පලය කුමක් ද?. මහා පාරවල් හදලා නෑ…. පාරේ යන්න විනයක් සහිත සමාජයක් නැතිනම් ඒ පාරෙන් ඒ පාලමෙන් ඇති පලය මොකක් ද?. මහා ධනය එක්රැස් කරලා වැඩක් නෑ ඒ ධනය පොදු සමාජය වෙනුවෙන් අපි යොදවන්නේ නැතිනම්. ඒ ධනයෙන් ඇති ඵලය කුමක් ද?.
ඒ නිසා රට භෞතිකව අත්පත් කරගන්න ජයග්රහණ වගේම සමාජයක් හැටියට අපි අධ්යාත්මිකව අත්පත් කරගත යුතු ජයග්රහණයන් ගණනාවක් තියනවා. ඒ ජයග්රහණයන්ට මෙවැනි සංස්කෘතිකමය අවස්ථාවන් මෙවැනි උපසම්පදා විනය කර්ම අවස්ථාවන් ලෙස ඉවහල් වේවි. අපේ හාමුදුරුවන් වහන්සේ ලා ගම් නියම්ගම් කරා ගමන් කරමින් දේශනා කරන ධර්මය අපේ සමාජය අලුතින් අවදි කරන්න හේතු වේවි… ඒ වෙනුවෙන් අපි එකතු වෙලා වැඩ කරමු….
ජනාධිපති අනුර කුමාර දිසානායක එසේ කීවේය. ජනාධිපතිවරයා එසේ කීවේ ශ්රී ලංකා රාමඤ්ඤ මහා නිකායේ 74 වන උපසම්පදා මහෝත්සවයට සහභාගී වෙමිනි.
අද (30) පස්වරුවේ ගල්නෑව මහවැලි ක්රීඩාංගණයේදී පැවති ශ්රී ලංකා රාමඤ්ඤ මහා නිකායේ 74 වන උපසම්පදා මහෝත්සවයේ සමාරම්භක උත්සවයට ජනාධිපතිවරයා එක් වී සිටියේය.
මේ එහිදී ජනාධිපතිවරයා කළ කථාවය.
