අද(13) රාත්‍රි 11 සිට සදුදා අලුයම 4 දක්වා කාලය තුළ කඩසාප්පුයි විවෘත කිරීම මුළුමනින්ම තහනම් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.
එම කාලය තුළ ජනතාව නිවෙස් තුළම රැඳී සිටිය යුතු බව ඔහු පෙන්වා දෙයි.
මෙම කාලය තුළ ගමනාගමනයට අවසර ලබා දී ඇත්තේ අත්‍යවශ්‍ය සේවා සඳහා පමණි.
ඊට අමතරව රෝගින්ට රෝහලක් වෙත ගමන් කිරීමට හෝ ඖෂධ මිලදී ගැනීමට ළඟම ඖෂධහලට ගමන් කිරීමට හැකියාව ලැබේ.
ෆාමසි සඳහා ඩිලිවරි සේවා පවත්වාගෙන යාමට අවසර ලබාදී තිබේ.
මේ දින තුන තුළ එවැනි කටයුතු හැරෙන්නට වෙනත් කිසිවකුට පිටත යාම අවසර නැති බව අජිත් රෝහණ මහතා අවධාරණය කරයි.
හැදුනුම්පත් ක්‍රමවේදය මෙම දින 3 තුළ අදාල වන්නේ නැති බවද අජිත් රෝහණ මහතා කීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙම දින තුන අවසන් වූ පසුව එනම් ලබන සදුදා සිට හැදුනුම්පත් ක්‍රමවේදය ක්‍රියාත්මක වේ.