ලලිත් චාමින්ද –
- කිසිම ආයෝජනකයක් නොකළ ආයෝජකයාට කෝටි 1256ක වන්දියක්
- කන්තලේ සීනි කර්මාන්ත ශාලාවේ සියලු වත්කම් ටිකත් ආයෝජකයාට
- ආයෝජකයන් තෝරා ගැනීමේ දී විවෘත ටෙන්ඩර් පටිපාටිය අනුගමනය කර නෑ…
- ඉඩම් අමාත්යංශය වැවලි කර්මාන්ත අමාත්යංශය සතුව මෙයට අදාල කිසිදු ලියවිල්ලක් නෑ…
කන්තලේ සීනි කර්මාන්ත ශාලාව ප්රතිව්යුහගත කිරීම සඳහා වර්ෂ 2015 දී මුදල් අමාත්යාංශ විසින් සකස් කළ ගිවිසුම් ප්රකාරව මෙතෙක් රජයට පුර්ණ හිමිකාරිත්වයක් පැවති කන්තලේ සීනි කර්මාන්තශාලාවේ පැවති වත්කම්වල අයිතිය රජයෙන් ඉවත්වී ඇති බැව ජාතික විගණන කාර්යාලය මගින් කරනු ලැබු විගණනයකදී අනාවරණය වි ඇත.
ආයෝජකයා විසින් කිසිම ආයෝජනයක් කර නොතිබුණ ද ගිවිසුම ප්රකාරව වත්කම් අහිමි වීම පමණක් නොව, පුද්ගලික පාර්ශවයක් වෙත සිංගප්පුරු ඩෝලර් 894,516,83ක් හා ඇමරිකානු ඩොලර් 211.913.93ක වන්දිමුදලක් (රුපියල් කෝටි 1256ක්) ගෙවිමට සිදුවී ඇති බව ද විගණන වාර්තාවේ සඳහන් වේ. එමෙන්ම ව්යාපෘතියේ පිරිවැය සියයට 15කින් ඉහළයාම සිදුවී තිබුණ ද පසුගිය වර්ෂයේ ජනවාරි මස දක්වා අදාල ව්යාපෘතිය ආරම්භකොට දේශීය සීනි නිෂ්පාදනය සිදුකිරීමට නොහැකි වී ඇති බවද විගණන වාර්තාව සඳහන් කරයි.
මුදල් අමාත්යාංශ මගින් මෙම ගිවිසුම සකස් කරද්දී රජය සතුව තිබූ වත්කම් හා සියලුම අයිතීන් ආයෝජකයාට පැවරෙන ආකාරයට ගිවිසුමේ වගන්ති සකස් කර එය අත්සන් කර තිබීම නිසා මේ දැවැන්ත අපරාධය සිදු වී ඇති බව විගණනය හෙළි කරයි.
කන්තලේ සීනි කර්මාන්ත ශාලාව වසර 25කට ආසන්න කාලයක සිට කිසිදු නිෂ්පාදන කාර්යයකට දායකවී නොමැතිව වසා දමා තිබුණි. ආයෝජකයින් විසින් ඇමරිකාඩු ඩොලර් මිලියන 100ක් ආයෝජනය කරමින් වර්ෂ 05ක කාලයක් තුළ මෙම ව්යාපෘතිය ආරම්භ කළයුතුව තිබුන ද එවැනි කිසිදු ආයෝජනයක් සිදුවී නොමැති බව ද විගණනය මගින් අනාවරණය කොට ඇත.
කර්මාන්ත ශාලාවේ තිබු සියලුම යන්ත්රෝපකරණ ඇතුළු ගොඩනැගිලිවල අයිතියද රජයට අහිමිවි ඇති බව ද විගණන වාර්තාව මගින් පෙන්වා දී ඇත. කන්තලේ සිනි කර්මාන්ත ශාලාව ප්රතිව්යුහගත කිරීම සඳහා ආයෝජකයෙකු තොරාගැනිමේ දි විවෘත ටෙන්ඩර් පටිපාටියක් අනුගමනය කර නොතිබුන බවද විගණන වාර්තාවේ සඳහන් වේ. ඉඩම් අමාත්යංශය හා ආයෝජන මණ්ඩලය වෙත සෘජුව ලැබුණු අයදුම්පත් දෙකක් පමණක් පදනම් කරගනිමින් ආයෝජන ඇගයීම සිදුකොට තිබුණි.
මෙහිදී ආයොජනය සඳහා යෝජනා කැඳවීම් සම්බන්ධයෙන් ප්රමාණවත් විනිවිද භාවයක් නොමැති බව විගණනයට නිරික්ෂණය වි ඇති බවද වාර්තාවේ සඳහන් වේ. මෙම ක්රියාවලිය සම්බන්ධයෙන් අදාල යැයි සැලකෙන කිසිදු ලියවිල්ලක් තමන් සතු නොවන බවට ඉඩම් අමාත්යංශය මගින් විගණනයට දන්වා ඇත.
සිනි කාර්මාන්ත ශාලාව ප්රතිව්යුහගත කිරිමේ දී මේ සඳහා වගකිම් පැවරී ඇති රාජ්ය ආයතනවන මුදල් අමාත්යංශය, ඉඩම ප්රතිසංස්කරණ අමාත්යංශය ආයෝජන මණ්ඩලය එක් එක් අවස්ථාවන්හි දී එකිනෙකට පරස්පර අමාත්යංශ සංදේශ ඉදිරිපත්කර තිබු බැවින් එම ආයතන අතර මනා සම්බන්ධීකරණයක් නොතිබු බව ද විගණනයේ දි අනාවරණය වී ඇත.
මෙම ක්රියාවලියට සම්බන්ධ බවට සැලකෙන ඉඩම් අමාත්යංශය වැවලි කර්මාන්ත අමාත්යංශය සතුව මෙයට අදාල කිසිදු ලියවිල්ලක් නොමැති බවට විගණනයට දන්වා ඇති බව ද විගණන වාර්තාවේ දැක්වේ.
එකාබද්ධ අමාත්ය මණ්ඩලය සංදේශ තුළින්ද පෙන්වා ඇති නිරික්ෂණයන්ගෙන් මෙම ප්රතිව්යුහගතකිරීමේ සමස්ත ක්රියාවලියෙහි අවධිමත් භාවය නිරික්ෂණය වී ඇති බවද විගණනයේ දි අනාවරණය වී තිබේ.
සිමාසහිත කන්තලේ සීනි කාර්මාන්තායතනය ප්රතිව්යුහගත කිරීම හා එහි තිබු යකඩ අලෙවිකිරීම පරික්ෂා කිරීම සඳහා මෙම විශේෂ විගණනය කොට ඇත.
.
