ශ්රී ලංකා යුද හමුදාවේ යතුරුපැදි කණ්ඩායමේ යතුරුපැදි හතරක් පාර්ලිමේන්තු සංකීර්ණය අසල යොදවා තිබූ මාර්ග බාධකය අසලට පැමිණි අවස්ථාවේ දී පොලිස් නිලධාරීන් දෙදෙනෙකු විසින් ඔවුනට සුදුසු නොවන පිරිදි කටයුතු කර ඇති බවත්, ඒ සම්බන්ධව ඔවුනට එරෙහිව විමර්ශනයක් සිදුකර අදාල පොලිස් නිලධාරීන් දෙදෙනා පිළිබඳ විනයානුකූලව කටයුතු කරන ලෙස යුද හමුදාපතිවරයා විසින් පොලිස්පතිතුමාගෙන් ඉල්ලීමක් කර ඇති බවත් යුද හමුදා මාධ්ය ප්රකාශක බ්රිගේඩියර් නිලන්ත ප්රේමරත්න පවසයි.
එම පොලිස් නිලධාරීන් සම්බන්ධව වහාම පරීක්ෂණයක් පවත්වා සුදුසු කටයුතු කරන බව පොලිස්පතිවරයා විසින් යුද හමුදාපතිවරයා වෙත දැනුම් දී ඇතැයි ද මාධ්ය ප්රකාශකවරයා කියයි.
මීට අමතරව ආරක්ෂක අමාත්යාංශ ලේකම්වරයාද පොලිසපතිවරයාට සහ මහජන ආරක්ෂාව පිළිබඳ අමාත්යවරයාට වහාම මේ සම්බන්ධව පියවර ගන්නා ලෙස දන්වා ඇති බවත් යුද හමුදා මාධ්ය ප්රකාශකවරයා දන්වයි.
යුද හමුදා මාධ්ය ප්රකාශක බ්රිිගේඩියර් නිලන්ත ප්රේමරත්නගේ ප්රකාශය
මේ අතර පොලිස් මූලස්ථානය මාධ්ය නිවේදනයක් නිකුත් කරමින් කියා සිටින්නේ උද්ඝෝෂණය අතර සිදුකරන ලද රාජකාරි කටයුත්තක දී පොලිස් නිලධාරීන් කිහිපදෙනෙක් සහ හමුදා සාමාජිකයන් කිහිපදෙනෙක් අතර සිදුවූ මතභේදාත්මක සිදුවීම පොලිස්පතිවරයාගේ අවධානයට යොමු වී ඇති බවය.
මේ සිද්ධිය සම්බන්ධව ස්වාධීන පරීක්ෂණයක් පැවැත්වීමට නියම කර ඇතැයි එම නිවේදනයේ සඳහන් වේ.
සිදුවූ දේ මෙන්න… ඔබ මෙය විනිශ්චය කරන්න…
සිද්ධිය සම්බන්ධව සමාජ මාධ්ය ජාලවල පලවුණු ප්රතිචාර…
Three Special Forces bikes came out to intimidate the crowd.
The crowd turned them away.
What is this government doing? Are they trying to shoot protesters down? @GotabayaR @PresRajapaksa and all gov ministers blood will be on your hands.#SriLankaProtests https://t.co/61OFBUPtBJ pic.twitter.com/b5U6FcXjoz
— Marlon Ariyasinghe 🇵🇸🍉 (@exfrotezter) April 5, 2022
