පවතින වියලි කාලගුණය යටතේ අඛණ්ඩ විදුලි සැපයුමක් ලබාදීම දුෂ්කර වුවද 24 පැයම විදුලි සැපයුමක් අත්යාවශ්ය රෝහල්, ආරක්ෂක ස්ථාන, ආයෝජන ප්රවර්ධන කලාප වැනි ස්ථාන වෙත අඛණ්ඩ සැපයුමක් ලබාදීමට අඛණ්ඩව ක්රියාත්මක වන මෙහෙයුම් මැදිරියක් අමාත්යංශයේ ස්ථාපිත කොට, අද සිට ක්රියාත්මක කළයුතු බව විදුලිබල අමාත්ය පවිත්රා වන්නිආරච්චි අදාළ අංශ වෙත උපදෙස් ලබා දී ඇත.
අඛණ්ඩ විදුලි සැපයුමක් ලබාදීම වෙනුවෙන් ගතහැකි ක්රියාමාර්ගයන් පිළිබදව, විදුලිබල අමාත්යාංශය, ලංකා විදුලිබල මණ්ඩලය, සුනිත්ය බලශක්ති අධිකාරිය, වාරිමාර්ග අමාත්යාංශය, කර්මාන්ත අමාත්යාංශය, ආයෝජන ප්රවර්ධන මණ්ඩලය, සෞඛ්ය අමාත්යාංශය සහ ආරක්ෂක අමාත්යාංශය ආදි ආයතන රැසක සහභාගීත්වයෙන් අද (08) දින විදුලිබල අමාත්යාංශ පරිශ්රයේ පැවති විශේෂ සාකච්ඡාවකදී පවිත්රා වන්නිආරච්චි අමාත්යවරිය විසින් අදාළ අංශ වෙත මෙම උපදෙස් ලබාදී තිබේ.
මෙම සාකච්ඡාවට විදුලිබල අමාත්යාංශ ලේකම් වසන්තා පෙරේරා, ලංකා විදුලිබල මණ්ඩලයේ සභාපති එම්.එම්. සී. ප්රදිනාන්දු, උප සභාපති නලින්ද ඉලංගකෝන්, සාමාන්යාධිකාරි ආචාර්ය රොහාන්ත අබේසේකර ඇතුලු ආයතන ප්රධානීන් විශාල පිරිසක් සහභාගී වූහ.
