ඕස්ට්රේලියාවේදී සිය දරුවන් දෙදෙනා ඝාතනය කොට සියදිවි හානිකරගත් බව කියන ශ්රී ලාංකිකයකු වන ඉන්දික ගුණතිලකගේ මරණය සමාජ ජාල තුළ ආන්දෝලනයක් ඇති කර තිබේ.
ඒ ඉන්දිකගේ සමීප මිතුරන් සහ ඔහුගේ විජාතික බිරිඳගේ මිතුරන් සහ ඔවුන්ගේ අසල්වාසීන් කියන පුද්ගලයන් සමාජ ජාලය හරහා වාද විවාද කරගැනීම නිසයි.
කොළඹ රාජකීය විද්යාලයේ ආදි ශිෂ්යයකු වන ඉන්දික ගුණතිලකට තිබූ පීඩා, ගැටලු, පවුලේ ප්රශ්න සහ සියදිවි හානිකරගන්නා බවට ද පැවසූ බව පවසමින් ඔහුගේ මිතුරකු බව කියන පුද්ගලයකු පළකරන ලද සමාජ ජාල සටහන් ඕස්ට්රේලියානු පුවත් ද උපුටා දක්වා තිබුණි.
එහිදී ඉන්දිකගේ මිතුරා පවසා තිබුණේ, “මට ඒ අහිංසක ජිවිත තුන බේරගන්න බැරි උනා. ජිවිත නැති කර ගන්නවා කියලා දින කියලා තියෙද්දි මම කරන්න පුලුවන් හැමදේම කලා. හැමෝටම කිව්වා බේරගන්න කියලා.” යනුවෙනි.
එපමණක් නොව, ඉන්දිකගේ මෙම ලාංකික මිතුරා විසින් ඉන්දිකගේ විජාතික බිරිඳට සහ බිරිඳගේ මවට මෙම මරණවලට වගකිව යුතු බව චෝදනා කර ඇත.
ඔහු පවසන්නේ ඉන්දිකගේ බිරිඳ සහ නැන්දම්මා විසින් ඉන්දිකටත් දරුවන් දෙදෙනාටත් අනේක විධ මානසික වධබන්ධන සිදුකළ බවයි.
අධිකරණයේ සේවය කරන බව කියන ඔවුන් නීතිය තමාගේ දෙසට නම්මවාගෙන අකටයුතුකම් කළ බවට ද එමගින් සිදුවූ පීඩාව නිසා ඉන්දික ගුණතිලක මෙම ඛේදවාචකය සිදුකරගත් බවටත් තමන් ඒ සියල්ල දන්නා බවටත් ඔහු දිගින් දිගටම පවසා තිබේ.
කෙසේවෙතත් මෙම සමාජ ජාල සටහන් වෙත ප්රතිචාර දක්වමින් ඉන්දිකගේ බිරිඳගේ පාර්ශ්වයේ සහ අසල්වැසියන් බව කියන ඕස්ට්රේලියාවේ වෙසෙන්නන් ගණනාවක් ද වාචිකව ප්රතිප්රහාර එල්ල කර තිබුණේ ඉන්දික නාර්සිසිස්ට් නමැති මානසික රෝගයෙන් පෙළෙන්නකු බවත් ඔහුගෙන් බිරිඳ සහ දරුවන් ඒනිසා පීඩා විඳි බවයි.
කෙසේවෙතත් ඉන්දික ගුණතිලක මහතා ටික දිනකට පෙර තම සමාජ ජාල ගිණුමේ වීඩියෝවක් මුදාහරිමින් පවසා තිබුණේ තමාට මානසික අවපීඩන රෝගයට ගොදුරු වී ඇති බවත් එහි බලපෑම තමා වටා සිටින අයටද බලපාන බැවින් ඖෂධ ලබාගැනීමට තමා පියවර ගත් බවයි.
ඉන්දික මාධව ගුණතිලක මහතා බටහිර ඔස්ට්රේලියාවේ රාජකීය විද්යාල ආදි ශිෂ්ය සංගමයේ ආරම්භක සාමාජිකයෙකි.
සබැඳි පුවත්
ශ්රී ලාංකික පියෙක් ඕස්ට්රේලියාවේදී දරුවන් දෙදෙනා ඝාතනය කර සියදිවි නසාගෙන
