ක්රිකට් සඳහා අනාවැකි වලංගු නැති බව සැබෑය. නමුත් පෙනෙන දෙයක් තිබේ. මේ වනවිට ශ්රී ලංකා බටහිර ඉන්දීය කොදෙව් ටෙස්ට් තරගය අපෙන් ගිලිහී ගිහින් ඇති බවය.
ධනංජයගේ ශතකයට පින් සිද්ධ වෙන්නට ලකුණු 308ක ඉලක්කයක් බටහිර ඉන්දීය කොදෙව්වන්ට ලබා දුන්නේය. මුල් ඉනිමේ සියල්ලන්ම දැවී යන්නේ එක් දිනයක් නිමා වන්නටත් පැය බාගයක් කලිනි. ඊයේ එක් ඕවරයක් ක්රීඩා කළ බටහිර ඉන්දීය කොදෙව්වෝ දෙවැනි දිනය පුරාම කඩුල්ලේ රැඳී උන්හ.
අවසන් ස්ථාවර ප්රතිඵලය ලකුණු 271කට කඩුළු 05කි. හඹා යන්නට ඇත්තේ තවත් ලකුණු 31ක් පමණි. අමීර් ජැන්ගෝ ලකුණු 78ක් සහිතව නොදැවීය. ඔහුගේ සංයමය තේරුම් ගත යුතුය. ලකුණු 78 ලබන්නේ පන්දු 174ක දී ය. ජැන්ගෝ කණ්ඩායමට ඇතුළු වන්නේ පුහුණු වීම් අතර බටහිර ඉන්දීය කොදෙව් ටෙස්ට් කණ්ඩායමේ නිත්ය ක්රීඩක ෂයි හෝප් ආබාධයකට ලක් වීම නිසාය. ලැබුණු අවස්ථාව ඔහු උපරිමයෙන් වර්ණවත් කළේය. මේ ජැන්ගෝ ගේ දෙවැනි ටෙස්ට් තරගය වීම ද ඔහුගේ විශ්වාසනීය පිතිකරණ පෞරුෂය පිළිබඳ සාක්ෂි සපයන්නේය.
නායක රොස්ටන් චේස් අනෙක් අන්තයේ ය. ඔහු නොදැවී ලකුණු 42කි. පන්දු 105කට මුහුණ දී ඇත. එල්ල කර ඇත්තේ හතරේ පහර 02ක් පමණය. ටෙස්ට් කලාව අපෙන්
කොදෙව් කණ්ඩායම එක් අවස්ථාවක ලකුණු 168කට කඩුලු 5ක් බිඳ වැටී අසීරු තත්ත්වයක පසුවිය. , අනතුරුව පිටියට පිවිසි නායක රොස්ටන් චේස්, ජැන්ගෝ සමඟ එක්ව 6 වැනි කඩුල්ල වෙනුවෙන් ලකුණු 103ක නොබිඳුන සබඳතාවක් ගොඩනගා ඇත්තේය. මෑත කාලයේ ලකුණු අතර නොසිටි චේස් ඉතා ඉවසිලිවන්තව පන්දු 105කදී ලකුණු 42ක් රැස් කරමින් දිනය නිමාවන තෙක් කඩුල්ල ආරක්ෂා කරගත්තේය.
දෙවැනි දිනයේ උදෑසන කාලයේදී බටහිර ඉන්දීය කොදෙව් ආරම්භක පිතිකරුවන් වූ ජෝන් කැම්බල් (39) සහ බ්රැන්ඩන් කින්ග් (31) පළමු කඩුල්ල වෙනුවෙන් ලකුණු 50ක සබඳතාවක් පැවැත්වූහ මිලාන් රත්නායක විසින් බ්රැන්ඩන් කින්ග්ව දවාගනිමින් පළමු කඩුල්ලේ සබඳතාව බිඳ දැමීය.
දිනයේ දෙවැනි සැසියේදී ශ්රී ලංකා පන්දු යවන්නන් දක්ෂ ලෙස පන්දු යවමින් කොදෙව් මැද පෙළ අඩපණ කළේ ලකුණු 79ක් තුළ කඩුලු 4ක් දවාගනිමිනි. වමත් දඟපන්දු යවන සොනාල් දිනුෂ විසින් ජෝන් කැම්බල්ව දවාගත් අතර, මිලාන් රත්නායක සිය දෙවැනි කඩුල්ල ලෙස කලීම් හෝජ් (16) දවාගත්තේය. ජොෂුවා ද සිල්වා ලකුණු 20කට අසීත ප්රනාන්දුගේ පන්දුවක් හමුවේ දැවී ගිය අතර, ජස්ටින් ග්රීව්ස් ලකුණු නොලබාම දැවී ගියේ කුසල් මෙන්ඩිස් රැකගත් විශිෂ්ට උඩපන්දුවක් හේතුවෙනි.
ශ්රී ලංකා පිල වෙනුවෙන් මිලාන් රත්නායක කඩුලු 2ක්ද, අසීත ප්රනාන්දු සහ සොනාල් දිනුෂ එක් කඩුල්ල බැගින්ද බිඳ දැමූහ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ශ්රී ලංකා වේගපන්දු යවන ක්රීඩක ළහිරු කුමාර නැවත ආබාධයකය. තරගය පටන් අරන් පන්දු යවන්න ගත්තා පමණය. ක්රීඩකයින් ආබාධවලට ලක් වන්නේය. මේ ආකාරයට ටෙස්ට් ක්රිකට් ක්රීඩාව අසිරුය. අපට පෙනෙන්නේ එපමණය.
