මහනුවර – පදියතලාව ප්රධාන මාර්ගයේ මොරගහමුල ප්රදේශයේදී ඊයේ (19) සිදුවූ රිය අනතුරකින් නෙදර්ලන්ත ජාතිකයෙකු ජීවිතක්ෂයට පත්ව තිබේ.
පොලිස් වාර්තා සඳහන් කරන පරිදි, මෙම අනතුර සිදුව ඇත්තේ මියගිය විදේශිකයා ගමන් ගත් යතුරුපැදිය එකම දිශාවට ගමන් කළ බස් රථයකට ඉස්සර කිරීමට උත්සාහ කිරීමේදීය.
එහිදී ප්රතිවිරුද්ධ දිශාවෙන් පැමිණි තවත් බස් රථයක යතුරුපැදිය මුහුණට මුහුණ ගැටී ඇත.
අනතුරින් බරපතළ තුවාල ලැබූ 46 හැවිරිදි නෙදර්ලන්ත ජාතිකයා වහාම තෙල්දෙණිය රෝහලට ඇතුළත් කර ඇති අතර, එහිදී ඔහු ප්රතිකාර ලබමින් සිටියදී මියගොස් තිබේ.
සිද්ධිය සම්බන්ධයෙන් වැඩිදුර පරීක්ෂණ ප්රදේශයේ පොලිස් ස්ථානය මගින් ක්රියාත්මකය.
දිවයිනේ විවිධ ප්රදේශවල සිදුවූ රිය අනතුරු තුනකින් පුද්ගලයන් තිදෙනෙකු ජීවිතක්ෂයට පත්ව ඇති බව පොලිස් වාර්තා සඳහන් කරයි. පදියතලාව, කෙහෙල්උල්ල ප්රදේශයේදී ටිපර් රථයක් මාර්ගයෙන් ඉවතට පැන ඇළකට පෙරළීමෙන් 25 හැවිරිදි තරුණයෙකු මියගොස් ඇති අතර, කොළඹ වරාය පරිශ්රයේදී බර අඬු එසවුම් යන්ත්රයක යතුරුපැදියක් ගැටීමෙන් රිදීගම ප්රදේශයේ පදිංචි 40 හැවිරිදි පුද්ගලයෙකු මියගොස් තිබේ. මීට අමතරව බණ්ඩාරගම නගරයේදී ලොරි රථයක ගැටීමෙන් බරපතළ තුවාල ලැබූ 65 හැවිරිදි පදිකයෙකු පානදුර රෝහලේ ප්රතිකාර ලබමින් සිටියදී මියගොස් ඇති අතර, එම අනතුරට සම්බන්ධ ලොරි රථයේ රියැදුරු බණ්ඩාරගම පොලිසිය මගින් අත්අඩංගුවට ගෙන ඇත.
