නීතිඥවරුන් රාජකාරිවලින් ඉවත් වීම හේතුවෙන් අද දිනයට කැඳවා තිබූ නාමල් රාජපක්ෂට එරෙහිව ගොනු කර ඇති ක්රිෂ් ගනුදෙනුව සම්බන්ධ නඩුව ලබන 19 දා යළි කැඳවීමට අධිකරණය අද (16) නිමය කළේය.
කොළඹ කොටුව ප්රදේශයේ ක්රියාත්මක කිරීමට සැලසුම් කළ “ක්රිස්” සුඛෝපභෝගී නිවාස සහ හෝටල් ව්යාපෘතියට අදාළව රුපියල් මිලියන 70ක මුදලක් අයථා ලෙස ලබාගෙන සාවද්ය පරිහරණය කළ බවට නාමල් රාජපක්ෂ ඇතුළු පිරිසකට එරෙහිව චෝදනා එල්ල විය. ශ්රි ලංකාවේ රගර් ක්රීඩාව ප්රවරධනය සඳහා බව කියමින් මෙම මුදල ලබාගෙන සාවද්ය පරිහරණය කළ බවට නාමල්ට චෝදනා ගොනු කර තිබිණි.
මූල්ය අපරාධ විමර්ශන කොට්ඨාසය (FCID) විසින් ගොනු කරන ලද මෙම නඩුවෙන් කියවුණේ, හම මුදල් ලබා ගැනිම මුදල් විශුද්ධිකරණ පනත යටතේ දඬුවම් ලැබිය හැකි වරදක් බවය.
කෙසේ වෙතත්, 2024 වසරේ මැයි මාසයේදී නීතිපතිවරයා විසින් ඉදිරිපත් කළ කරුණු සලකා බැලූ කොළඹ මහාධිකරණය, චෝදනා ඔප්පු කිරීමට ප්රමාණවත් සාක්ෂි නොමැති බව පවසමින් විත්තිකරුවන් නිදහස් කිරීමට තීරණය කළේය.
එහෙත් 2024 වසරේ ලබා දුන් එම නිදහස් කිරීමේ තීන්දුව දෝෂ සහිත බවට හෝ සාක්ෂි නිසි ලෙස සලකා බලා නොමැති බවට තර්ක කරමින් නීතිපතිවරයා විසින් යළි ඇපෑලක් ඉදිරිපත් කෙරිනි.
ඒ අනුව, මෙම මූල්ය ගනුදෙනුව සම්බන්ධ නීතිමය ක්රියාවලිය යළි ආරම්භ වී ඇත.
