ජනතාව මුල් කරගත් කොළඹ නගරසභා අයවැය ඡන්ද විමසීමේ දී අය – වැයට පක්ෂව ඡන්දය ලබා දුන් මුස්ලිම් කොංග්රස් මන්ත්රීවරිය සම්බන්ධව කාන්තාවක ලෙස තමන්ට ඇත්තේ විශාල ගෞරවයක් බව කොළඹ පුරපතිනී ව්රායි කැලී බල්තසාර් අද (01) පැවසුවාය.
මෝදර කළ ක්ෂේත්ර සංචාරයක් අතරතුර මාධ්යට අදහස් දක්වමින් නගරාධිපතිවරිය පැවසුවේ අය වැයට පක්ෂව ඡන්දය පාවිච්චි කළ මුස්ලිම් කොංග්රස් මන්ත්රීවරිය සහ අය වැය අවස්ථාවට ඡන්දය ප්රකාශ කිරීම සඳහා නොපැමිණි මන්ත්රීවරුන්ට ද එම පක්ෂවලින් විනය ක්රියාමාර්ග කැඳවා ඇති නමුත් එම ජනතා නියෝජිතයින් ජනතාව වෙනුවෙන් ස්වකීය හෘදය සාක්ෂියට එකඟව කටයුතු කරන්නට ඇති බව තමන් විශ්වාස කරන බවය.
මේ අය – වැයේ විවේචනයට දෙයක් හෝ නොතිබුණ බව විපක්ෂ මන්ත්රීවරුන්ගේ කථා ඇසීමේ දී පැහැදිලි වුන බව ද කී නගරාධිපති බල්තසාර් මෙසේ ද කීවාය.
“ අය – වැයට පක්ෂව ඡන්දය දුන් ඒ මුස්ලිම් කොංග්රස් මන්ත්රීතුමිය තමන්ගේ කොට්ඨාසය වෙනුවෙන් ජනතාව වෙනුවෙන් තමයි ඒ ඡන්දය දැම්මේ. අපි වෙනුවෙන් නොවෙයි. බජට් එක වෙනුවෙන්. ඒ අය වැය සර්ව සාධාරණයි කියන එක මම හිතන්නේ විපක්ෂ මන්ත්රීවරුත් දන්නවා. එතුමියත් ඒක දිගටම කියනවා.”
“විපක්ෂයේ කතා ඇහුවොත් අය- වැය වෙලාවෙදි අය වැයේ අඩු පාඩු කියන්න බැරි තරම්. අය – වැය ඉතාම හොඳ අය – වැයක්. විපක්ෂයේ ඉන්න මන්ත්රීවරුන්ට අවුරුදු ගානක් කරගන්න බැරිවුන දේවල් එකතු කරගෙන තමයි මෙදා සැරේ මේ අය – වැය ඉදිරිපත් කළේ. මේ අය – වැය ජනතාවට සුබවාදී අය – වැයක්. එය ඉස්සරහට ගෙනියන්න තමයි අවශ්යතාවය තිබුණේ. “
“එතුමිය ඒ ගත්ත තීරණයට මා ගෞරව කරනවා. මොකද කාන්තාවක් හැටියට පීඩනයන් එනවා දේශපාලනයේ ඉද්දි. අපට කරන්න පුලුවන් නගරසභාවක් හැටියට එතුමියගේ කොට්ඨාසය ශක්තිමත් කරන එක. “
ඉතිහාසයේ පළමු වතාවට එක් නාගරික මන්ත්රීවරයෙකු වෙනුවෙන් මිලියන 05 බැගින් . මිලියන 585ක් මන්ත්රී ප්රතිපාදන ලෙස පමණක් මේ අය වැයෙන් වෙන් කර ඇතැයි නගරාධිපතිවරිය පැවසුවාය. කිසිම දේශපාලනයකින් තොරව එම ප්රතිපාදන ලබා දෙන බවය.
