සූරියවැව නුවන් ජයසේකර –
අනුර විදානගමගේ නොහොත් මිද්දෙණියේ කජ්ජා ඝාතන සිද්ධියට අදාලව පසුගිය දින ඉන්දුනිසියාවේදි අත්අඩංගුවට ගත් සංවිධානාත්මක අපරාධ කරුවන් වන බැකෝ සමන් සහ තැඹිලි ලහිරු යන දෙදෙනා දින 90ක් රඳවා තබා ප්රශ්න කිරිමට වලස්මුල්ල මහේස්ත්රාත් අධිකරණය බස්නාහිර උතුර අපරාධ විමර්ශන කොට්ඨාසය නිළධාරීන්ට අවසර ලබා දුන්නේය.
ඒ සැකකරුවන් දෙදෙනා අද (17) වලස්මුල්ල මහේස්ත්රාත් කෝකු හැන්නදිගේ නවෝදා මහත්මිය හමුවට ඉදිරිපත් කළ අවස්ථාවේදිය.
තංගල්ල, මිද්දෙණිය, කඩේවත්ත මංසන්ධියේදී යතුරු පැදියකින් යමින් සිටි අරුණ විදානගමගේ හෙවත් ‘මිද්දෙණියේ කජ්ජා’ නැමැතා හා ඔහුගේ පුතා සහ දියණිය ඝාතනය කෙරුණේ පසුගිය පෙබරවාරි 18 වන දින රාත්රියේදිය.
එම සිද්ධියට අදාලව සැකකරුවන් දෙදෙනා වලස්මුල්ල මහේස්ත්රාත් අධිකරණය හමුවට ඉදිරිපත් කළ අවස්ථාවේදී විමර්ශන නිළධාරින් අධිකරණයෙන් සිදුකළ ඉල්ලීමකට අනුව අධිකරණය මෙම නියෝගය නිකුත් කර තිබේ.
සැකකරුවන් අධිකරණයට රැගෙන ඒම නිසා අධිකරණය අවට විශේෂ ආරක්ෂාවක්ද යොදවා තිබුණු අතර අධිකරණය තුළට ඇතුළු වන සියළු දෙනා දැඩි පරීක්ෂාවකටද ලක් කෙරුණි.
එමෙන්ම අධිකරණය තුළට ඇතුළු විමට අවසර ලැබුණේ නඩු කටයුතු පැවති පුද්ගලයන් සඳහා පමණකි.
