ජාත්යන්තර නිවුන් දිනයට සමගාමීව දිඹුලාගල අධ්යාපන කලාපයේ නිවුන් සිසුන් හැටදෙනෙකු සිටිනා එකම පාසල වන සිරිපුර මධ්ය මහා විද්යාලයේ නිවුන් දරුවන්ට සමරු තිළිණ ප්රධානය කිරීම ඊයේ එම විද්යාලීය පරිශ්රයේදී විද්යාලයේ ගුරු මවුපියවරුන් විසින් සිදුකළහ.
2018 වර්ෂයේදී නිවුන් සිසුන් හය දෙනෙක්ගෙන් ආරම්භ කරන ලද මෙම නිවුන් සිසු සංසදය වීර නිවුන් සංසදය ලෙස නම් කර තිබේ. ක්රමානුකූලව 2025 වර්ෂය වනවිට මෙම විද්යාලයේ පමණක් නිවුන් සිසුන් හැට දෙනෙකුගෙන් යුත් කණ්ඩායමක් දක්වා ඒම පිරිස වර්ධනය වී ඇත.
මීට අමතරව විද්යාලයේ විදුහල්පති එන්.ජී.ටී. ධම්මික, නියෝජ්ය විදුහල්පති,පත්මිණී කස්තුරිආරච්චි, නියෝජ්ය විදුහල්පති [ සංවර්ධන ] ඩබ්ලිව්.එම්.තිලකරත්න, ඒ මහතාගේ මව්තුමිය වන එච්.එම්. අනුලාවතී කුමාරිහාමි මාතාවද මෙහිදී ඇගයීමට ලක්කර සමරු සිහිවටන පිරිනැමීමට උත්සව කමිටුව කටයුතු කළහ.
උතුරු මැද පලාතේ හෝ පොළොන්නරුව දිස්ත්රික්කයේ, දිඹුලාගල අධ්යාපන කලාපයේ කිසිදු පාසලක නිවුන් සිසුන් 60 දෙනෙක්ගෙන් යුත් කණ්ඩායමක් නොමැති අතර, එය සිරිපුර මධ්ය මහා විද්යාලයේ නිවුන් සිසුන් හැට දෙනෙකු සිටීම විශේෂත්වයකි.
