හක්මණ – නිරෝෂා නිල්මිණි –
රුහුණු විශ්ව විද්යාලයේ අනධ්යන කාර්ය මණ්ඩලය අද ( 20 ) දහවල් රුහුණු විශ්වවිද්යාලය ඉදිරිපිටදී විරෝධතාවක් පැවැත්වීය. ඔවුන් දන්වා සිටියේ පැවැත්වුයේ සංකේත වැඩ වර්ජනයක් බවත්, තම ඉල්ලිම් ගැන අවධානය යොමු නොකළහොත් දැඩි ක්රියාමාර්ග ගන්නා බවත් ය.
විශ්ව විද්යාල පද්ධතිය තුල දීර්ඝ කාලයක් තිස්සේ පැවැති ගැටලු නොවිසඳුනු පසුබිමක වර්තමාන රජය ඔවුන්ගේ මංගල අයවැය තුළින් තවදුරටත් විශ්වවිද්යාල පද්ධතිය වෙත ගැටලු නිර්මාණය කර ඇති බව වර්ජකයෝ කීහ.
විශේෂයෙන්ම සියයට 20 ක විශේෂ දීමනාව අහිමි කිරීම, අතිකාල ගණනය කිරීමේදී අයවැය මගින් ජනාධිපතිවරයා ලබාදුන් නිර්දේශ විශ්ව විද්යාල පද්ධතිය සඳහා ක්රියාත්මක නොවීම, ආපදා ණය සීමාව විශ්ව විද්යල පද්ධතිය සඳහා වැඩි නොකිරීම එම් සී ඒ දීමනා වැඩි කිරීම සඳහා පැවැති නිර්දේශ නොසලකා හරිමින් එය ප්රතිශතාත්මකව තවදුරටත් අඩු කිරීම, රාජ්ය සේවය හා විශ්ව විද්යාල සේවය අතර පැවති වැටුප් අනුපාතය තව තවදුරටත් අඩු කිරීමට කටයුතු කිරීම, සේවක පුරප්පාඩු සඳහා නව බඳවාගැනීම් සිදු නොකිරීම ආදී ගැටළු විශ්ව විද්යාල පද්ධතිය තුළ නිර්මාණය කර තිබීම ඇතුළු ගැටලු මුල් කරගනිමින් මෙම විරෝධතාවය සහ සංකේත වැඩ වර්ජනය පවත්වා තිබුණේය.
මේ සම්බන්ධයෙන් අවස්ථා කිහිපයකදීම වර්තමාන රජයට අධ්යාපන අමාත්ය හරිනි අමරසූරිය මුදල් නියෝජ්ය අමාත්ය මහාචාර්ය අනිල් ජයන්ත මුදල් අමාත්යාංශයේ නිලධාරීන් ප්රමුඛ පාර්ශ්වයන් සමඟ සාකච්ඡා කළත් ඒ කිසිදු සාකච්ඡාවක් සාර්ථක නොමැතිවීම හේතුවෙන් මෙම සංකේත වැඩ වැඩ වර්ජනය සහ විරෝධතාවය පැවැත්වූ බව රුහුණු විශ්වවිද්යාලයේ අනධ්යන සේවක සංගම් නායකත්වය කීවේය.
මෙම වර්ජනය ලංකාවේ විශ්ව විද්යාල දාහත තුළම අඛණ්ඩව පැවැත්වීමට කටයුතු කරන බවත් එසේ නොවීමට නම් සාධාරණ විසඳුමක් ලබාදිය යුතු බවත් සේවක සංගම් රජයට දන්වා සිටියේය.
